L2 Empuraan: ‘హరి హర వీరమల్లు’కి పోటీగా మోహన్ లాల్ సినిమా..
ABN, Publish Date - Nov 01 , 2024 | 06:36 PM
మ‌ల‌యాళ సూప‌ర్ స్టార్ మోహ‌న్‌లాల్ నటించిన ‘లూసిఫర్’ చిత్రం 2019లో విడుద‌లై బ్లాక్ బ‌స్ట‌ర్ విజ‌యాన్ని సాధించింది. ఈ చిత్రం తెలుగులో మెగాస్టార్ చిరంజీవి ‘గాడ్ ఫాదర్’ పేరుతో రీమేక్ కూడా చేశారు. ప్రస్తుతం ‘లూసిఫర్’ చిత్రానికి సీక్వెల్‌గా ‘L2 ఎంపురాన్’ రూపొందుతోన్న సంగ‌తి తెలిసిందే. ‘L2 ఎంపురాన్’ రిలీజ్ డేట్‌ని తాజాగా మేకర్స్ ప్రకటించారు. ‘హరి హర వీరమల్లు’ చిత్రంతో ఈ సినిమా పోటీ పడుతోంది.
మ‌ల‌యాళ సూప‌ర్ స్టార్ మోహ‌న్‌లాల్ (Mohanlal) నటించిన ‘లూసిఫర్’ (Lucifer) చిత్రం 2019లో విడుద‌లై బ్లాక్ బ‌స్ట‌ర్ విజ‌యాన్ని సాధించింది. ఈ చిత్రం తెలుగులో మెగాస్టార్ చిరంజీవి ‘గాడ్ ఫాదర్’ పేరుతో రీమేక్ కూడా చేశారు. ప్రస్తుతం ‘లూసిఫర్’ చిత్రానికి సీక్వెల్‌గా ‘L2 ఎంపురాన్’ (L2 Empuraan) రూపొందుతోన్న సంగ‌తి తెలిసిందే. దీపావళి స్పెషల్‌గా ఈ మూవీ రిలీజ్ డేట్‌ని మేకర్స్ అనౌన్స్ చేశారు. మేకర్స్ ప్రకటించిన రిలీజ్ డేట్ ప్రకారం.. ‘L2 ఎంపురాన్’ చిత్రం పవర్ స్టార్ పవన్ కళ్యాణ్ (Pawan Kalyan) ‘హరి హర వీరమల్లు’ (Hari Hara Veeramallu) చిత్రానికి పోటీగా దిగబోతోంది. ఆ వివరాల్లోకి వెళితే..
Also Read-SS Rajamouli: సింహంతో రాజమౌళి.. ఇది ఊహకందని కథ
‘హరి హర వీరమల్లు’ చిత్రం మార్చి 28న విడుదల అని మేకర్స్ అధికారికంగా ప్రకటించిన విషయం తెలిసిందే. ఈ సినిమా విడుదలకు ఒక రోజు ముందే అంటే మార్చి 27నే మోహన్ లాల్ ‘L2 ఎంపురాన్’ చిత్రం తెలుగు, మ‌ల‌యాళం, త‌మిళ, క‌న్న‌డ, హిందీ భాష‌ల్లో రిలీజ్ కానుందని తెలుపుతూ మేకర్స్ అధికారికంగా ఓ పోస్టర్‌ని విడుదల చేశారు. మోహన్ లాల్ కూడా ట్విట్టర్ వేదికగా ఈ పోస్టర్‌ని షేర్ చేశారు. దీంతో పవన్ కళ్యాణ్ చిత్రానికి పోటీగా మోహన్ లాల్ చిత్రం అంటూ అప్పుడు వార్తలు మొదలయ్యాయి. (L2 Empuraan Release Date)
‘L2 ఎంపురాన్’ చిత్ర విషయానికి వస్తే.. స్టార్ హీరోల‌తో భారీ బ‌డ్జెట్ చిత్రాల‌ను నిర్మించే నిర్మాణ సంస్థ లైకా ప్రొడ‌క్ష‌న్స్‌ ఈ క్రేజీ ప్రాజెక్ట్‌ని నిర్మిస్తోంది. మ‌ల‌యాళ సూప‌ర్ స్టార్ మోహ‌న్‌లాల్ ప్రధాన పాత్రలో నటిస్తోన్న ఈ చిత్రంలో సౌత్ స్టార్‌లు నటిస్తున్నారు. తొలి భాగం హిట్ కావ‌టంతో సినిమాపై ఎలాంటి అంచ‌నాలున్నాయో ముందుగానే అంచ‌నా వేసిన మేకర్స్ ఎక్స్‌పెక్టేష‌న్స్‌ను మించేలా సినిమాను నిర్మిస్తున్నారు. మోహన్ లాల్, వెర్స‌టైల్ యాక్ట‌ర్‌, డైరెక్ట‌ర్ పృథ్వీరాజ్ సుకుమార్ కాంబినేష‌న్‌లో రానున్న మూడో చిత్రం కావ‌టంతో అభిమానుల్లో అంచనాలు ఆకాశన్నంటుతున్నాయి. ఇటీవ‌ల మోహ‌న్‌లాల్ పుట్టిన‌రోజు సంద‌ర్భంగా ‘L2 ఎంపురాన్’లో ఖురేషి అబ్ర‌మ్‌గా సూప‌ర్‌స్టార్ లుక్‌ను.. అలాగే పృథ్వీరాజ్ సుకుమార్ పోషిస్తోన్న క్యారెక్ట‌ర్ జయేద్ మసూద్‌కు సంబంధించిన ఫస్ట్ లుక్‌ను రిలీజ్ చేయ‌గా అమేజింగ్ స్పందన వచ్చింది. ఇంకా ఈ చిత్రంలో టోవినో థామస్, మంజు వారియ‌ర్‌, నందు, సానియా అయ్య‌ప్ప‌న్ త‌దిత‌రులు మ‌రోసారి వారి పాత్ర‌ల‌తో మెప్పించ‌బోతున్నారు. ఇక ఈ రిలీజ్ డేట్ పోస్టర్‌లో మంట‌ల మ‌ధ్య‌లో వైట్ ష‌ర్ట్ ధ‌రించిన మోహన్ లాల్ లుక్‌ను బ్యాక్ సైడ్‌ నుంచి ఎలివేట్ చేసేలా డిజైన్ చేశారు. ప్రస్తుతం ఈ పోస్టర్ వైరల్ అవుతోంది.