GPL: ‘గాడ్స్ ప్రీమియర్ లీగ్’ గ్రాండ్‌గా ప్రారంభం
ABN, Publish Date - Nov 13 , 2024 | 07:42 PM
అల్లు ఆర్ట్స్ ప్రొడక్షన్స్ బ్యానర్ పై ప్రొడక్షన్స్ నెంబర్ 1 గా తెరకెక్కుతున్న చిత్రం ‘జి.పి.ఎల్.’ (గాడ్స్ ప్రీమియర్ లీగ్). అల్లు లత సమర్పణలో అల్లు సాయి లక్ష్మణ్ నిర్మిస్తోన్న ఈ చిత్రంలో రావు జి.ఎం నాయుడు దర్శకుడిగా పరిచయం అవుతున్నారు. ఈ సినిమా వివరాలివే..
అల్లు ఆర్ట్స్ ప్రొడక్షన్స్ బ్యానర్ పై ప్రొడక్షన్స్ నెంబర్ 1 గా తెరకెక్కుతున్న చిత్రం ‘జి.పి.ఎల్.’ (గాడ్స్ ప్రీమియర్ లీగ్). అల్లు లత సమర్పణలో అల్లు సాయి లక్ష్మణ్ నిర్మిస్తోన్న ఈ చిత్రంలో రావు జి.ఎం నాయుడు దర్శకుడిగా పరిచయం అవుతున్నారు. పవన్ శంకర్, యాని, తనికెళ్ళ భరణి, హెబ్బా పటేల్, బ్రహ్మాజీ, నాగ మహేష్, నవీన్ తదితరులు ఈ సినిమాలో ముఖ్య పాత్రల్లో నటిస్తున్నారు. ఈ చిత్ర పూజా కార్యక్రమాలు హైదరాబాద్‌లో గ్రాండ్‌గా జరిగాయి. లవ్ ఇన్వెస్టిగేషన్ సస్పెన్స్ థ్రిల్లర్‌గా తెరకెక్కుతున్న ఈ సినిమా హైదరాబాద్ మరియు వైజాగ్, కోడై కెనాల్‌లో షూటింగ్ జరుపుకోనుంది. నవంబర్ 14 నుండి మొదటి షెడ్యూల్ షూటింగ్ ప్రారంభం కానుంది.
Also Read- Chiranjeevi: అ దేశానికి చిరంజీవి.. ఎందుకంటే
ఈ సందర్భంగా డైరెక్టర్ రావు జి.ఎం.నాయుడు మాట్లాడుతూ.. పవర్ స్టార్ పవన్ కళ్యాణ్‌గారి అభిమానిగా నేను ఈ సినిమాను తెరకెక్కిస్తున్నాను. జి.పి.ఎల్ (గాడ్స్ ప్రీమియర్ లీగ్) టైటిల్ ఈ కథకు సరిగ్గా సరిపోతుంది. మనం ఏదైనా పైన ఉన్న భగవంతుడి ఆదేశాల మేరకు నడుస్తాము అనే పాయింట్‌తో ఈ సినిమా కథాంశం ఉండబోతోంది. మనకు ఏదో ఒక సందర్భంలో ‘దేవుడు తలరాత అలా రాశాడు’ అనే మాట వింటూ ఉంటాం. ఆ మాట ఎందుకు అంటారనేది ఈ సినిమాలో చూపించబోతున్నాం. మరిన్ని వివరాలను త్వరలోనే తెలియజేస్తామని అన్నారు.
నిర్మాత అల్లు సాయి లక్ష్మణ్ మాట్లాడుతూ.. జి.పి.ఎల్ (గాడ్స్ ప్రీమియర్ లీగ్) సినిమా అన్ని వర్గాల ప్రేక్షకులను అలరించే విధంగా ఉంటుంది. లవ్, సస్పెన్స్‌తో కూడిన ఈ సినిమా షూటింగ్ సింగల్ షెడ్యూల్‌లో పూర్తి చేయబోతున్నాము. ప్రముఖ తారాగాణం, సాంకేతిక నిపుణులు ఈ చిత్రానికి పనిచేయనున్నారు. మణిశర్మగారి సంగీతం ఈ సినిమాకు ప్రధాన ఆకర్షణగా నిలుస్తుంది. మాకు సహకరిస్తున్న మీడియా వారందరికీ ప్రత్యేక కృతజ్ఞతలు తెలియజేస్తున్నామని తెలిపారు.