Game Changer: సినీ హిస్ట‌రీలో తొలిసారి యుఎస్‌లో..
ABN, Publish Date - Nov 22 , 2024 | 07:43 PM
గ్లోబ‌ల్ స్టార్ రామ్ చరణ్, శంకర్ కాంబినేషన్‌లో రూపుదిద్దుకుంటోన్న ‘గేమ్ చేంజర్’ సినిమాపై ఆకాశమే అవధి అన్నట్లుగా అంచనాలున్నాయి. ఈ సినిమాకు సంబంధించి ప్రతీది భారీతనంతో కూడుకునే ఉంటోంది. ఇప్పుడు ప్రీ రిలీజ్ వేడుకకు సంబంధించి కూడా ఒక సెన్సేషనల్ వార్తను మేకర్స్ విడుదల చేశారు. అదేంటంటే..
గ్లోబ‌ల్ స్టార్ రామ్ చరణ్ (Global Star Ram Charan) క‌థానాయ‌కుడిగా స్టార్ డైరెక్ట‌ర్ శంకర్ ద‌ర్శ‌క‌త్వంలో రూపొందుతోన్న భారీ బ‌డ్జెట్ చిత్రం ‘గేమ్ చేంజర్’ (Game Changer). ఓ వైపు అభిమానులు, మ‌రోవైపు సినీ ప్రేక్ష‌కులు ఈ సినిమా కోసం ఎంతో ఆతృత‌గా ఎదురు చూస్తోన్న సంగ‌తి తెలిసిందే. ఈ సినిమాను శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ అన్‌కాంప్ర‌మైజ్డ్‌గా నిర్మిస్తున్నారు. ఈ సినిమాను ఎస్‌వీసీ, ఆదిత్య‌రామ్ మూవీస్ సంస్థ‌లు త‌మిళంలో విడుదల చేస్తుండగా.. హిందీలో ఏఏ ఫిలిమ్స్ అనిల్ తడాని రిలీజ్ చేస్తున్నారు. ప‌క్కా ప్ర‌మోష‌న‌ల్ స్ట్రాట‌జీతో సినిమాపై అంచ‌నాలు రోజు రోజుకీ పెరుగుతున్నాయి. తాజాగా ‘గేమ్ చేంజర్’కు సంబంధించి ఓ సెన్సేషనల్ వార్తను మేకర్స్ రివీల్ చేశారు.
Also Read- Kushboo: నాకేమైనా ఛాన్స్ ఉందా.. అంటూ ఆ హీరో అసభ్యకరంగా మాట్లాడాడు
అదేంటంటే.. ఇండియ‌న్ సినీ హిస్ట‌రీలో ఇప్ప‌టి వ‌ర‌కు మ‌రే సినిమా చేయ‌ని అద్భుతాన్ని ‘గేమ్ చేంజర్’ ఆవిష్క‌రించ‌బోతోంది. డిసెంబ‌ర్ 21న అమెరికాలో ‘గేమ్ చేంజర్’ ప్రీ రిలీజ్ ఈవెంట్‌ను అత్యంత భారీగా జ‌రపబోతున్నట్లుగా మేకర్స్ అధికారికంగా ప్రకటించారు. క‌ర్టిస్ క‌ల్‌వెల్ సెంట‌ర్‌, 4999 నామ‌న్ ఫారెస్ట్‌, గార్‌లాండ్ టి.ఎక్స్ 75040 ఈ ముంద‌స్తు వేడుకకి వేదిక కానుండ‌టం విశేషం. చిత్ర యూనిట్‌తో పాటు ప్ర‌ముఖులంద‌రూ ఈ వేడుకకి హాజ‌రుకాబోతున్నారని తెలుస్తోంది. ఈ సినిమాపై అంచ‌నాలు నెక్ట్స్ లెవ‌ల్‌కు చేరుకున్న క్ర‌మంలో ఛరిష్మా డ్రీమ్స్ రాజేష్ కల్లెపల్లి ఆధ్వర్యంలో ఈ వేడుకను నిర్వహించబోతున్నారు. ఛరిష్మా డ్రీమ్స్‌పై ప్రొడ్యూస‌ర్‌, డిస్ట్రిబ్యూట‌ర్‌గా ఇండ‌స్ట్రీ, యు.ఎస్ డిస్ట్రిబ్యూష‌న్‌, ఎగ్జిబిట‌ర్ స‌ర్కిల్‌లో, ఎంట్ర‌ప్రెన్యూర‌ర్‌గా బిజినెస్ స‌ర్కిల్‌లో గుర్తింపు సంపాదించుకున్న రాజేష్, యు.ఎస్‌లో ఓ తెలుగు సినిమాకు ఇప్ప‌టి వ‌ర‌కు ఇలా జ‌ర‌గ‌లేదు, ఇకపై జ‌ర‌గ‌బోదు అనేంత భారీ స్థాయిలో ‘గేమ్ చేంజర్’ ప్రీ రిలీజ్ వేడుకను నిర్వ‌హించ‌బోతున్నట్లుగా సమాచారం. రామ్ చ‌ర‌ణ్‌పై అభిమానంతో రాజేష్ కల్లెపల్లి ఇంత పెద్ద ఈవెంట్‌ను చేయ‌నుండ‌టం అనేది ఇప్పుడు ఇండ‌స్ట్రీ వ‌ర్గాల్లో హాట్ టాపిక్‌గా మారింది.
ఈ సంద‌ర్భంగా ఛరిష్మా డ్రీమ్స్ ప్రొడ్యూస‌ర్‌, యు.ఎస్ ఎగ్జిబిట‌ర్ రాజేష్ కల్లెపల్లి మాట్లాడుతూ.. ‘‘తెలుగు సినిమాల్లోనే కాదు, ఇండియ‌న్ సినీ ఇండ‌స్ట్రీలోనే ఇప్ప‌టి వ‌ర‌కు యు.ఎస్‌లో ప్రీరిలీజ్‌ ఈవెంట్‌ను నిర్వ‌హించ‌లేదు. తొలిసారి ‘గేమ్ చేంజర్’ సినిమా కోసం భారీ ప్రీ రిలీజ్ ఈవెంట్‌ను అమెరికాలో చేయ‌బోతున్నందుకు ఆనందంగా ఉంది. ఈవెంట్‌ను స‌క్సెస్‌ఫుల్‌ చేయ‌టానికి ఇప్ప‌టి నుంచే ప్లానింగ్ చేస్తున్నాం. ఈ అవ‌కాశాన్ని ఇచ్చిన హీరో రామ్ చరణ్, నిర్మాత‌లు దిల్‌రాజు, శిరీష్, శంకర్ అండ్ టీమ్‌కు మ‌న‌స్ఫూర్తిగా ధ‌న్య‌వాదాలు తెలియజేసుకుంటున్నాను’’ అన్నారు. జనవరి 10న సంక్రాంతి స్పెషల్‌గా ఈ చిత్రం ప్రపంచవ్యాప్తంగా థియేటర్లలో గ్రాండ్‌గా విడుదలయ్యేందుకు ముస్తాబవుతోంది.