Daaku Maharaaj: గుర్రం ఎక్కింది, నడిపింది ఆయనే.. యుద్ధానికి వచ్చేది కూడా ఆయనే
ABN, Publish Date - Nov 15 , 2024 | 02:32 PM
‘డాకు మహారాజ్’ టీజర్‌లో డూపులు లేవు, డూప్లికేట్‌లు లేవు. బాలకృష్ణ గారే అన్నీ నిజంగా చేశారు.. యుద్ధం గట్టిగా ఉండబోతుందని అన్నారు దర్శకుడు బాబీ. బాలయ్య నటిస్తోన్న 109 చిత్రానికి ‘డాకు మహారాజ్’ అనే టైటిల్‌ని ఖరారు చేసిన విషయం తెలిసిందే. ఈ సినిమా టైటిల్ టీజర్ లాంచ్ ఈవెంట్ బాబీ మాట్లాడుతూ..
‘NBK109’ సినిమా టైటిల్ కోసం ఫ్యాన్స్ ఎంతగా వెయిట్ చేస్తున్నారో తెలియంది కాదు. హ్యాట్రిక్ విజయాలతో దూసుకుపోతున్న గాడ్ ఆఫ్ మాసెస్ నందమూరి బాలకృష్ణ హీరోగా నటిస్తున్న 109వ చిత్రమిది. కార్తీక పౌర్ణమ శుభదినాన ఈ చిత్ర టైటిల్‌ని మేకర్స్ హైదరాబాద్‌లో జరిగిన కార్యక్రమంలో రివీల్ చేశారు. శక్తివంతమైన ‘డాకు మహారాజ్’ (Daaku Maharaaj) అనే టైటిల్‌ని ఈ చిత్రానికి ఖరారు చేశారు. తన నటవిశ్వరూపంతో ఐదు దశాబ్దాలుగా ప్రేక్షకులను అలరిస్తున్న బాలకృష్ణ, మరో అద్భుతమైన చిత్రంతో అలరించడానికి సిద్ధమవుతున్నారు. బ్లాక్ బస్టర్ దర్శకుడు బాబీ కొల్లి ఈ చిత్రానికి దర్శకత్వం వహిస్తున్నారు. శ్రీకర స్టూడియోస్ సమర్పణలో ప్రముఖ నిర్మాణ సంస్థ సితార ఎంటర్‌టైన్‌మెంట్స్‌, ఫార్చ్యూన్‌ఫోర్ సినిమాస్‌ పతాకాలపై సూర్యదేవర నాగవంశీ, సాయి సౌజన్య భారీ బడ్జెట్‌తో నిర్మిస్తున్నారు.
Also Read-S Thaman: ‘పుష్ప 2’.. 15 రోజుల్లో సినిమా మొత్తం ఎలా కంప్లీట్ చేయగలం
టీజర్ విడుదల కార్యక్రమంలో దర్శకుడు బాబీ కొల్లి మాట్లాడుతూ.. టీజర్ అందరికీ నచ్చిందని భావిస్తున్నాను. మీరు చూసిన టీజర్‌లో డూపులు లేవు, డూప్లికేట్‌లు లేవు. బాలకృష్ణ గారే అన్నీ నిజంగా చేశారు. గుర్రం ఎక్కింది ఆయనే, నడిపింది ఆయనే, యుద్ధానికి వచ్చేది కూడా ఆయనే. మీరు చూసినవన్నీ ఒరిజినల్ షాట్స్. తమన్ గారు అద్భుతమైన సంగీతం అందించారు. నేనైనా, నాగవంశీ గారైనా దీనిని ఎప్పుడూ సాధారణ సినిమాలా చూడలేదు. బాలయ్య గారు సృష్టిస్తున్న రికార్డులను దృష్టిలో పెట్టుకొని, కేవలం మాస్ లోనే కాకుండా అన్ని వర్గాలలో ఆయనకు ఉన్న ఆదరణను దృష్టిలో పెట్టుకొని, ఎప్పుడూ చూడని కొత్త బాలకృష్ణ గారిని చూపించాలని, సినిమా మొదటి నుంచి ఎంతో శ్రద్ధతో పని చేస్తూ వచ్చాము. టీజర్‌లో మీరు చూసింది చాలా చాలా తక్కువ. సినిమా ఇంకా వేరే స్థాయిలో ఉంటుంది. దర్శకుడిని నమ్మి స్వేచ్ఛను ఇస్తారు బాలయ్య. అందుకే ఇంత అద్భుతమైన అవుట్ పుట్ వచ్చింది. నాకు ఈ అవకాశం ఇచ్చిన నిర్మాతలకు, నాకు సహకరించిన బృందం అందరికీ ధన్యవాదాలు. చివరగా ఒక్క మాట.. యుద్ధం గట్టిగా ఉండబోతుందని అన్నారు.
Also Read- Daaku Maharaaj: ‘డాకు మహారాజ్’ టైటిల్ టీజర్ ఎలా ఉందంటే..
నిర్మాత సూర్యదేవర నాగవంశీ మాట్లాడుతూ.. బాలకృష్ణ గారిని చాలా కొత్తగా చూపించాలని నేను, దర్శకుడు బాబీ ముందు నుంచి అనుకుంటున్నాం. టీజర్‌లో మీరు చూసింది చాలా తక్కు. సినిమాలో ఇలాంటివి ఎన్నో ఉన్నాయి. థియేటర్లలో ఈ సినిమా అభిమానులకు అసలుసిసలైన పండుగలా ఉంటుందని అంటే.. సంగీత దర్శకుడు ఎస్. తమన్ మాట్లాడుతూ.. బాబీ చాలా గొప్ప సినిమా తీశారు. బాలయ్యగారితో ఇది నా ఐదవ సినిమా. ఆయనతో పని చేయడం సంతోషంగా ఉంది. సినిమా ఏదైతే కోరుకుంటుందో, దానికి తగ్గట్టుగా సంగీతం అందిస్తున్నాను. ఈ సినిమా అద్భుతంగా ఉంటుందని అన్నారు. ‘డాకు మహారాజ్’ చిత్రం సంక్రాంతి కానుకగా 12 జనవరి, 2025న ప్రపంచవ్యాప్తంగా భారీస్థాయిలో విడుదల కానుంది.