దిల్‌ రాజు డ్రీమ్స్‌... కొత్త సినిమాలు
ABN, Publish Date - Nov 12 , 2024 | 06:27 AM
ప్రముఖ నిర్మాత దిల్‌ రాజు కొత్త నిర్మాణ సంస్థను ప్రకటించారు. ‘దిల్‌ రాజు డ్రీమ్స్‌’ పేరుతో నెలకొల్పిన ఆ ప్రొడక్షన్‌ హౌజ్‌ చిత్ర పరిశ్రమలో కొత్త టాలెంట్‌ను ప్రోత్సహించనుంది. ఈ మేరకు...
ప్రముఖ నిర్మాత దిల్‌ రాజు కొత్త నిర్మాణ సంస్థను ప్రకటించారు. ‘దిల్‌ రాజు డ్రీమ్స్‌’ పేరుతో నెలకొల్పిన ఆ ప్రొడక్షన్‌ హౌజ్‌ చిత్ర పరిశ్రమలో కొత్త టాలెంట్‌ను ప్రోత్సహించనుంది. ఈ మేరకు సోమవారం నిర్వహించిన మీడియా సమావేశంలో కొత్త నిర్మాణ సంస్థ గురించిన వివరాలను దిల్‌ రాజు తెలియజేశారు. ఈ సందర్భంగా ఆయన మాట్లాడుతూ ‘యంగ్‌ జనరేషన్‌తో సినిమాలు చేయాలని ఉంది. గతంలో నా జర్నీలో అన్నీ అద్భుతమైన సినిమాలే వచ్చాయి. స్టార్‌ హీరోలందరితో చేశాం. ఇండస్ట్రీకి వచ్చి 30 ఏళ్లు అయింది. ఇప్పుడు మాకు కంటెంట్‌కి కొదవ లేదు. వరుస సినిమాలు చేస్తున్నాం. న్యూ టాలెంట్‌ని ఎంకరేజ్‌ చేయాలని కొత్త బేనర్‌ ‘దిల్‌ రాజు డ్రీమ్స్‌’ ప్రారంభిస్తున్నాం. ‘దిల్‌ రాజు డ్రీమ్స్‌’కు అనేక టీమ్స్‌ను ఏర్పాటు చేశాం. కథలు, సినిమాల నిర్మాణం, విడుదల వరకు న్యూ టాలెంట్‌ను సపోర్ట్‌ చేయాలనేదే మా ఆలోచన.
దీనికోసం ఒక వెబ్‌సైట్‌ని కూడా ఏర్పాటు చేశాం. త్వరలోనే దానిని లాంచ్‌ చేయనున్నాం. ఇదంతా కార్పొరేట్‌ స్టయిల్‌లో ఆర్గనైజ్డ్‌ సిస్టమ్‌గా ఉంటుంది. స్ర్కిప్ట్‌ రివ్యూ పేరుతో ఎక్స్‌పెరిమెంట్‌ కూడా చేయాలనుకుంటున్నాం. ‘జటాయి’ అనే పాన్‌ ఇండియా సినిమా నా డ్రీమ్‌ ప్రాజెక్ట్‌. ఆ సినిమా వివరాలను త్వరలోనే తెలియజేస్తాం’ అని చెప్పారు.
కొత్త సినిమా కబుర్లు...
శంకర్‌ దర్శకత్వంలో రామ్‌చరణ్‌ నటించిన ‘గేమ్‌ ఛేంజర్‌’ సినిమాను జనవరి 10న రిలీజ్‌ చేయబోతున్నాం. సంక్రాంతికి అనిల్‌ రావిపూడి దర్శకత్వంలో వెంకటేశ్‌ నటించిన ‘సంక్రాంతికి వస్తున్నాం’ చిత్రం విడుదల ఉంటుంది. నితిన్‌తో చేస్తున్న ‘తమ్ముడు’ని శివరాత్రికి రిలీజ్‌ చేయనున్నాం. ఇవి కాకుండా నితిన్‌, వేణు కాంబినేషన్‌లో ‘యల్లమ్మ’, యష్‌ మాస్టర్‌ హీరోగా ఒక సినిమా, ఆశిష్‌ హీరోగా చేస్తున్న ‘సెల్ఫి్‌ష’... ఇలా అనేక సినిమాలతో బిజీగా ఉన్నా.