'కేరాఫ్‌ రవీంద్రభారతి’ షురూ

జబర్దస్ట్‌ జీవన్‌(Jeevan), నవీన(Naveena), మాస్టర్‌ రత్నాకర్‌ సాయ్రిపణీత కీలక పాత్రధారులుగా అరుణ శ్రీ ఎంటర్టైన్మెంట్‌ బ్యానర్‌ పై తెరకెక్కుతున్న సినిమా ‘కేరాఫ్‌ రవీంద్రభారతి’

జబర్దస్ట్‌ జీవన్‌(Jeevan), నవీన(Naveena), మాస్టర్‌ రత్నాకర్‌ సాయ్రిపణీత కీలక పాత్రధారులుగా అరుణ శ్రీ ఎంటర్టైన్మెంట్‌ బ్యానర్‌ పై తెరకెక్కుతున్న సినిమా ‘కేరాఫ్‌ రవీంద్రభారతి’ (C/O Ravindrabharathi) . టి.గణపతి రెడ్డి నిర్మాత. గట్టు నవీన్‌ స్వీయ దర్శకత్వంలో రూపొందిస్తున్నారు. ఇటీవల ఈ చిత్రం పూజా కార్యక్రమాలు రవీంద్రభారతిలో జరిగాయి. తెలంగాణ భాషా సాంస్కృతిక శాఖ సంచాలకులు మామిడాల హరికృష్ణ ముఖ్య అతిథిగా హాజరై దర్శకుడికి స్ర్కిప్ట్‌ అదిఇంచారు. తల్లాడ సాయి కృష్ణ క్లాప్‌ ఇచ్చారు. 60 ఏళ్ల రవీంద్రభారతికి ఒక కళకారుడు ఇచ్చే కళానీరాజనం ఈ సినిమా అని  మామిడాల హరికృష్ణ అన్నారు. దర్శకుడు మాట్లాడుతూ "రవీంద్రభారతిలో జరిగే కార్యక్రమంలో పాల్గొనాలి అని చాలా మంది కళాకారులకు ఉంటుంది. ఆ నేపథ్యంలో ఈ చిత్రం తెరకెక్కిస్తున్నాం. డిఫరెంట్‌ స్క్రీన్ ప్లే తో  సినిమా ఉంది’’ అన్నారు.

"కథ బావుంది. కంటెంట్‌కు తగ్గ సంగీతం ఇవ్వడానికి ప్రయత్నం చేస్తున్నా. చక్కని లిరిక్స్‌లో పాటలు సిద్దమవుతున్నాయి’’ అని సంగీత దర్శకుడు మల్లిక్‌ అన్నారు. మంచి కథలో భాగమైనందుకు ఆనందంగా ఉందని హీరోయిన్‌ నవీన ఆనందం వ్యక్తం చేశారు. ుూమంచి కంటెంట్‌తో ఈ చిత్రం తీస్తున్నాం. త్వరలో రెగ్యులర్‌ షూటింగ్‌ మొదలుపెడతాం’’ అని నిర్మాత అన్నారు. ఈ చిత్రానికి సినిమాటోగ్రఫీ: మస్తాన్‌ సిరిపాటి, సంగీతం: ఎంవికే మల్లిక్‌, ఎడిటింగ్‌: యూనిక్‌ బొజ్జపల్లి