Thangalaan: ‘తంగలాన్‌’ నుంచి క్లోజప్ లుక్.. సోషల్‌ మీడియాలో వైరల్‌

చియాన్‌ విక్రమ్‌ (Chiyaan Vikram) తాజాగా నటిస్తున్న చిత్రం ‘తంగలాన్‌’ (Thangalaan). కోలార్‌ గోల్డ్‌ ఫ్యాక్టరీ (కేజీఎఫ్‌) పని చేసిన తమిళ కూలీల ఇతివృత్తంతో ఈ చిత్రాన్ని తెరకెక్కించారు దర్శకుడు పా.రంజిత్‌. మాళవిక మోహనన్‌ (Malavika Mohanan), పార్వతీ తిరువోతు (Parvathy Thiruvothu) హీరోయిన్లు. ప్రతి నాయకుడిగా పశుపతి నటించారు. జీవీ ప్రకాష్‌ కుమార్‌ సంగీతం అందించిన ఈ చిత్రాన్ని ఈ యేడాది జనవరి 26వ తేదీ గణతంత్ర దినోత్సవం సందర్భంగా రిలీజ్‌ చేయనున్నట్టు ప్రకటించారు. అయితే, పోస్ట్‌ ప్రొడక్షన్‌, గ్రాఫిక్స్‌ పనులు పూర్తి కాకపోవడంతో చిత్రం విడుదలను వాయిదా వేశారు. ఈ నేపథ్యంలో తాజాగా ఈ మూవీ నుంచి విక్రమ్‌ కొత్త లుక్‌ పోస్టర్‌ను రిలీజ్‌ చేయగా అది వైరల్‌గా మారింది.

Also Read- Vijay: విజయ్‌ పార్టీలో చేరనున్న ఆ ఇద్దరు నటులు?

ఈ లుక్‌లో విక్రమ్‌ని చాలా క్లోజ్‌గా చూపించారు. కళ్లలో కళ్లు పెట్టి తీక్షణంగా చూస్తున్నట్లుగా ఉన్న ఈ పిక్.. విక్రమ్‌లోని విలక్షణతని మరోసారి తెలియజేస్తోంది. స్టూడియో గ్రీన్‌ పతాకంపై నిర్మాత కేఈ జ్ఞానవేల్‌ రాజా తమిళం, తెలుగు, మలయాళం, కన్నడ, హిందీ భాషల్లో భారీ బడ్జెట్‌తో ఈ సినిమా నిర్మిస్తున్నారు. కాగా, ఈ మూవీని ఇప్పటికే పలు అంతర్జాతీయ చిత్రోత్సవాల్లో ప్రదర్శించగా అనేక అవార్డులు, రివార్డులు వరించడం విశేషం. మూవీ క్రిటిక్స్‌ నుంచి సైతం ఈ సినిమాకు ప్రశంసలు దక్కుతున్నాయి. ఆగస్టులో విడుదలయ్యే ఈ సినిమాపై ప్రేక్షకుల్లో భారీ అంచనాలు నెలకొన్నాయి. (Chiyaan Vikram New Look)

ఇటీవల ఈ చిత్ర గ్లింప్స్ రిలీజ్ సందర్భంగా దర్శకుడు పా. రంజిత్ మాట్లాడుతూ.. ‘తంగలాన్’ సినిమాను చరిత్రలో జరిగిన కొన్ని యదార్థ ఘటనల నేపథ్యంతో తెరకెక్కిస్తున్నాం. ఆ అడ్వెంచర్ స్టోరీని రూపొందించడంలో హీరో విక్రమ్‌తో పాటు మూవీ టీమ్ నాకు ఎంతో సపోర్ట్ చేసింది. ప్రముఖ ప్రొడక్షన్ కంపెనీ జియో స్టూడియోస్ ఈ సినిమా కోసం స్టూడియో గ్రీన్‌తో చేతులు కలపడం సంతోషంగా ఉంది. జియో స్టూడియోస్ రాకతో మా సినిమా గ్లోబల్ ఆడియెన్స్‌కు మరింతగా రీచ్ అవుతుందని ఆశిస్తున్నాం. హీరో విక్రమ్ ఈ సినిమా కోసం ఎంతో కష్టపడ్డారు. ఆ కష్టం ఏంటో రేపు సినిమా చూసిన అందరికీ తెలుస్తుందని అన్నారు. (Thangalaan Movie)

Read Latest Cinema News