Narudi Brathuku Natana: ‘నరుడి బ్రతుకు నటన’.. ‘చెప్పలేని అల్లరేదో’ పాటొచ్చింది

శివ కుమార్ రామచంద్రవరపు, నితిన్ ప్రసన్న, శృతి జయన్, ఐశ్వర్యా అనిల్ కుమార్, వైవా రాఘవ వంటి వారు ప్రముఖ పాత్రల్లో నటించిన చిత్రం ‘నరుడి బ్రతుకు నటన’. ఈ మూవీని రిషికేశ్వర్ యోగి తెరకెక్కిస్తున్నారు. తాజాగా ఈ మూవీ నుండి ‘చెప్పలేని అల్లరేదో’ అనే లిరికల్ సాంగ్‌ని మేకర్స్ విడుదల చేశారు.

శివ కుమార్ రామచంద్రవరపు, నితిన్ ప్రసన్న, శృతి జయన్, ఐశ్వర్యా అనిల్ కుమార్, వైవా రాఘవ వంటి వారు ప్రముఖ పాత్రల్లో నటించిన చిత్రం ‘నరుడి బ్రతుకు నటన’ (Narudi Brathuku Natana). ఈ మూవీని రిషికేశ్వర్ యోగి తెరకెక్కిస్తున్నారు. నిర్మాత టీజీ విశ్వ ప్రసాద్, సుకుమార్ బొరెడ్డి, డా. సింధు రెడ్డి సంయుక్తంగా నిర్మించిన ఈ చిత్రానికి వివేక్ కూఛిబొట్ల సహా నిర్మాతగా వ్యవహరిస్తున్నారు. ఇప్పటికే ఈ చిత్రం నుంచి రిలీజ్ చేసిన గ్లింప్స్, పోస్టర్లు మంచి బజ్‌ను క్రియేట్ చేయగా.. తాజాగా ఈ మూవీ నుండి ‘చెప్పలేని అల్లరేదో’ (Cheppaleni Allaredho) అనే రొమాంటిక్ సాంగ్ లిరికల్ వీడియోని మేకర్స్ వదిలారు.

Also Read- Devara: ‘దేవర’పై అంచనాలు తప్పాయా.. యుఎస్‌కు వెళ్లిపోతున్న తారక్..

‘చెప్పలేని అల్లరేదో

తొంగి చూసే.. కళ్ళలోనా

ఇది ఏ మహిమో తెలియదు గానీ

మది పసిపాపై సరదా పడెనే

నీవే.. నీవే.. నే వెతికిన లాలనవే.. ’

అంటూ సాగిన ఈ పాటను చిత్రన్ రచించగా.. అనంతు ఆలపించారు. లోపెస్ ఇచ్చిన మెలోడీయస్ ట్యూన్ వినగానే ఆకట్టుకునేలా ఉంది. అలాగే ఈ లిరికల్ వీడియోలో చూపించిన విజువల్స్ మరింత హైలెట్ అవుతున్నాయి. ఈ చిత్రం విడుదలకు ముందే దాదాపు అరవైకి పైగా అంతర్జాతీయ అవార్డులను గెలుచుకున్న సంగతి తెలిసిందే. ఈ విషయం మేకర్స్ చెబుతూ వస్తున్నారు. ఇప్పుడు విడుదల తర్వాత కూడా ప్రేక్షకుల నుండి మంచి స్పందనను రాబట్టుకుంటుందని, తప్పకుండా మంచి చిత్రంగా పేరుపొందుతుందని మేకర్స్ భావిస్తున్నారు. కేరళలోని అందమైన ప్రాంతాల్లో తెరకెక్కించిన ఈ చిత్రాన్ని పీపుల్ మీడియా ఫ్యాక్టరీ (People Media Factory) త్వరలో ప్రేక్షకుల ముందుకు తీసుకు రావటానికి సన్నాహాలు చేస్తుంది. చిత్ర విడుదల తేదీని త్వరలోనే ప్రకటించనున్నారు.

Also Read- Devara: డబ్బులిచ్చి ‘జై’ కొట్టించుకున్నారా..

Also Read- Mathu Vadalara 2 Review: శ్రీసింహా నటించిన కామెడీ థ్రిల్లర్ 'మత్తు వదలరా 2' ఎలా ఉందంటే 

Read Latest Cinema News