బెంగాలీ నటి ఉమాదాస్‌ గుప్తా మృతి
ABN, Publish Date - Nov 19 , 2024 | 06:10 AM
ప్రముఖ బెంగాలీ నటి ఉమాదాస్‌ గుప్తా(85) సోమవారం ఉదయం మృతి చెందారు. కొంత కాలంగా అనారోగ్యంతో బాధపడుతున్న ఆమె ఇటీవల ఆస్పత్రిలో చేరారు. 1955లో సత్యజిత్‌ రే దర్శకత్వం వహించిన ప్రతిష్ఠాత్మక చిత్రం
ప్రముఖ బెంగాలీ నటి ఉమాదాస్‌ గుప్తా(85) సోమవారం ఉదయం మృతి చెందారు. కొంత కాలంగా అనారోగ్యంతో బాధపడుతున్న ఆమె ఇటీవల ఆస్పత్రిలో చేరారు. 1955లో సత్యజిత్‌ రే దర్శకత్వం వహించిన ప్రతిష్ఠాత్మక చిత్రం ‘పథేర్‌ పాంచాలి’లో ఉమాదాస్‌ గుప్తా నటించారు. బిభూతి భూషణ్‌ బంధోపాధ్యాయ్‌ రాసిన ‘పథేర్‌ పాంచాలి’ నవల ఆధారంగా ఈ సినిమాను తెరకెక్కించారు. చిన్ననాటి నుంచే ఉమాదాస్‌ గుప్తా నాటక ప్రదర్శనలపై ఆసక్తి చూపేవారు. స్కూల్లో ప్రదర్శించిన ఒక నాటకంలో ఉమాదాస్‌ గుప్తా నటనను చూసిన సత్యజిత్‌ రే... ‘పథేర్‌ పాంచాలి’లో దుర్గ పాత్రకు ఆమెను ఎంపిక చేశారు. ఈ చిత్రం తర్వాత ఆమె నటిగా కొనసాగకుండా ఉపాధ్యాయ వృత్తికే అంకితమయ్యారు.