23 పాత్రల ఎర్రచీర
ABN, Publish Date - Nov 13 , 2024 | 04:30 AM
సుమన్‌ బాబు స్వీయ దర్శకత్వం వహిస్తూ ముఖ్య పాత్రలో నటిస్తున్న చిత్రం‘ ఎర్రచీర-ద బిగినింగ్‌’. ఈ సినిమాలో నటుడు రాజేంద్ర ప్రసాద్‌ మనవరాలు తేజస్విని నటిస్తోంది. ఎన్‌.వి.వి.సుబ్బారెడ్డి, సీహెచ్‌ వెంకట సుమన్‌ నిర్మాతలు...
సుమన్‌ బాబు స్వీయ దర్శకత్వం వహిస్తూ ముఖ్య పాత్రలో నటిస్తున్న చిత్రం‘ ఎర్రచీర-ద బిగినింగ్‌’. ఈ సినిమాలో నటుడు రాజేంద్ర ప్రసాద్‌ మనవరాలు తేజస్విని నటిస్తోంది. ఎన్‌.వి.వి.సుబ్బారెడ్డి, సీహెచ్‌ వెంకట సుమన్‌ నిర్మాతలు. మదర్‌ సెంటిమెంట్‌, హారర్‌, యాక్షన్‌ సెంటిమెంట్‌తో ఈ సినిమా తెరకెక్కుతోంది. చిత్ర దర్శకుడు, నటుడు సుమన్‌ బాబు మాట్లాడుతూ ‘యాక్షన్‌, మదర్‌ సెంటిమెంట్‌తో ఈ సినిమాను రూపొందించాను. చిత్రంలో 22 పాత్రలతో పాటు ఎర్రచీర 23వ పాత్ర పోషిస్తుంది’ అని తెలిపారు. హీరోయిన్‌ కారుణ్య చౌదరి మాట్లాడుతూ ‘సినిమా చూసిన వాళ్లు కన్నీళ్లు పెట్టుకుంటారు. అందరూ మాకు సపోర్ట్‌ చేయాలని కోరుతున్నా’ అని అన్నారు. నిర్మాత అంబికా కృష్ణ మాట్లాడుతూ‘ ప్రస్తుత ట్రెండ్‌ ప్రకారం ప్రేక్షకులకు కావాల్సినంత కంటెంట్‌ ఉన్న చిత్రమిది’ అని అన్నారు.