Keerthy Suresh: సమంతపై కీర్తి సురేష్‌ కామెంట్స్‌..
ABN, Publish Date - Dec 31 , 2024 | 11:42 AM
కీర్తి సురేశ్‌(Keerthy Suresh) ఇటీవల వివాహబంధంలోకి అడుగుపెట్టింది. దానితోపాటు ఆమె బాలీవుడ్‌లో నటించిన తొలి చిత్రం బేబీజాన్‌ (Baby John) ఇటీవల ప్రేక్షకుల ముందుకొచ్చి మంచి సక్సెస్‌ఫుల్‌గా నడుస్తోంది.
కీర్తి సురేశ్‌(Keerthy Suresh) ఇటీవల వివాహబంధంలోకి అడుగుపెట్టింది. దానితోపాటు ఆమె బాలీవుడ్‌లో నటించిన తొలి చిత్రం బేబీజాన్‌ (Baby John) ఇటీవల ప్రేక్షకుల ముందుకొచ్చి మంచి సక్సెస్‌ఫుల్‌గా నడుస్తోంది. అయితే ఈ చిత్రం అవకాశం ఎలా వచ్చిందో చెప్పుకొచ్చిందీ కీర్తి సురేశ్‌. దీనికి కారణమైన సమంతకు థ్యాంక్స్‌ చెప్పారు. ఆమె వల్లే ఈ అవకాశం వచ్చిందని తెలిపారు. ‘తెరి’ సినిమాకు రీమేక్‌గా ఈ చిత్రం రూపొందింది. దీని తమిళ వెర్షన్‌లో హీరోయిన్‌గా సమంత (Samantha)నటించారు. ‘‘బేబీ జాన్‌’ సినిమా హిందీలో రీమేక్‌ చేయాలని చిత్రబృందం భావించగానే సమంత నా పేరు చెప్పారు. తమిళంలో ఆమె పోషించిన పాత్ర హిందీలో నేను చేయడం ఆనందంగా ఉంది. ఈ సినిమాతో బాలీవుడ్‌కు ఎంట్రీ ఇవ్వడం ఎప్పటికీ మర్చిపోలేని అనుభూతి. ఈ విషయంలో సమంతకు కృతజ్ఞతలు. ‘తెరి’లో సమంత నటన నాకెంతో ఇష్టం. నిజాయతీగా చెపాలంటే ఈ రీమేక్‌ కోసం సమంత నాపేరు చెప్పగానే భయపడ్డాను. కానీ, ఆమె ఎంతో మద్దతు ఇచ్చారు. చిత్రబృందం నా పేరు వెల్లడించగానే ‘నువ్వు తప్ప ఈ పాత్రను మరెవ్వరూ చేయలేరు’ అని తన ఇన్‌స్టా స్టోరీలో పెట్టారు. ఆ సందేశం నాలో నమ్మకాన్ని పెంచింది. ఉత్సాహంగా దీని షూటింగ్‌లో పాల్గొన్నా. ఆమె ఇచ్చిన ధైౖర్యంతోనే చిత్రీకరణ పూర్తి చేశా. ఆమె స్ఫూర్తితో ముందుకుసాగుతున్నా’’ అని వివరించారు.
కీర్తి సురేశ్‌, సమంత ‘మహానటి’లో కలిసి నటించారు. ఇందులో సమంత జర్నలిస్ట్‌గా కనిపించగా.. కీర్తి సావిత్రిగా ఆకట్టుకున్నారు. ‘బేబీ జాన్‌’ విషయానికొేస్త.. కాలీస్‌ దర్శకత్వం వహించిన ఈ సినిమా క్రిస్మస్‌ కానుకగా ఈన్చె 25న ప్రేక్షకుల ముందుకు వచ్చింది. వరుణ్‌ ధావన్‌ కీర్తి సురేశ్‌ ప్రధాన పాత్రల్లో నటించగా వామికా గబ్బీ, జాకీ ష్రాఫ్‌ కీలక పాత్రలు పోషించారు.