Janhvi kapoor: తిరుమల మోకాళ్ళ పర్వతం దగ్గర ఏం చేసిందో తెలుసా?
ABN, Publish Date - Mar 21 , 2024 | 02:54 PM
శ్రీదేవి కుమార్తె, బాలీవుడ్‌ జాన్వీకపూర్‌కి దైవభక్తి ఎక్కువ. అందులోనూ తిరుమల శ్రీనివాసుడు అంటే ఆమెకు మరింత భక్తి. అందుకే తరచూ వెంకటేశ్వర స్వామి వారి దర్శనం కోసం తిరుమల వెళ్తుంటుంది.
శ్రీదేవి కుమార్తె, బాలీవుడ్‌ జాన్వీకపూర్‌కి దైవభక్తి ఎక్కువ. అందులోనూ తిరుమల శ్రీనివాసుడు అంటే ఆమెకు మరింత భక్తి. అందుకే తరచూ వెంకటేశ్వర స్వామి వారి దర్శనం కోసం తిరుమల వెళ్తుంటుంది. తాజాగా ఈ నెల 6న ఆమె తిరుమల శ్రీనివాసుడిని దర్శించుకుంది. ఆమెతోపాటు స్నేహితులు శిఖర్‌ పహారియా, ఒరీతో కలిసి అలిపిరి నుంచి కాలి నడకన శ్రీవారి సన్నిధి చేరుకున్నారు. మధ్యలో మోకాళ్ల పర్వతం దగ్గర ఆమె కొంతదూరం మోకాళ్లపై నడిచారు. తదుపరి స్వామిని దర్శించుకున్నారు. ఈ విషయాన్ని జాన్వీ స్నేహితులు శిఖర్‌, ఒరీ ఇన్ స్టాగ్రామ్‌ వేదికగా ఓ వీడియో ద్వారా చెప్పారు. తిరుమల అడ్వెంచర్‌ టూర్‌ ఎలా జరిగిందో అందులో తెలియజేశారు.
చెన్నైలోని జాన్వీ నివాసం నుంచి కారులో మూడు గంటలు ప్రయాణించి తిరుపతి చేసుకున్నామన్నారు. అనంతరం జాన్వీ బంధువులతో కలిసి నడక దారిన తిరుమల చేరుకున్నామని తెలిపారు. ఈ క్రమంలో మోకాళ్ల మిట్ట వద్ద జాన్వీ - శిఖర్‌ మోకాళ్లపై మెట్లెక్కారు. ఈ సందర్భంగా జాన్వీ మాట్లాడుతూ "ఇప్పటికి 50సార్లు తిరుమల వచ్చి శ్రీవారిని దర్శించుకున్నానని, ఈ దేవాలయం అంటే తనకు ఎంతో ఇష్టమని జాన్వీ చెప్పారు.
తాజాగా జాన్వీ హైదరాబాద్‌లో సందడి చేసింది. రామ్‌చరణ్‌ హీరోగా బుచ్చిబాబు తెరకెక్కిస్తోన్న చిత్రంలో జాన్వీ కపూర్‌ హీరోయిన్‌గా కనిపించనున్న విషయం తెలిసిందే. బుధవారం ఈ సినిమా గ్రాండ్‌గా లాంచ్ అయింది. పూజా కార్యక్రమం అనంతరం జాన్వీకపూర్‌, ఆమె తండ్రి బోనీ కపూర్‌, ఇతర చిత్రబృందం రామ్‌చరణ్‌ నివాసంలో సందడి చేశారు. చరణ్‌తో సరదాగా మాట్లాడారు. దీనికి సంబంధించిన ఫొటోలను జాన్వీ ఇనస్టాలో షేర్‌ చేసింది. ప్రస్తుతం ఈ ఫొటోలు వైరల్‌ అవుతున్నాయి.