Hrithik Roshan: వెయ్యి కిలోమీటర్లు సైకిల్ జర్నీ..
ABN, Publish Date - Nov 01 , 2024 | 03:29 PM
బాలీవుడ్‌ నటుడు హృతిక్‌రోషన్‌పై తనకున్న ప్రేమను చాటుకున్నాడు ఓ వ్యక్తి. కొన్నిరోజుల నిరీక్షణకు ఫుల్‌స్టాఫ్‌ పడింది. ఎట్టకేలకు అభిమాన హీరోతో ఫొటో దిగాడు. ఆ ఫోటోను ఇన్‌స్టాలో షేర్‌ చేశాడు
బాలీవుడ్‌ నటుడు హృతిక్‌రోషన్‌పై (Jrithik Roshan) తనకున్న ప్రేమను చాటుకున్నాడు ఓ వ్యక్తి. కొన్నిరోజుల నిరీక్షణకు ఫుల్‌స్టాఫ్‌ పడింది. ఎట్టకేలకు అభిమాన హీరోతో ఫొటో దిగాడు. ఆ ఫోటోను ఇన్‌స్టాలో షేర్‌ చేశాడు. విషయంలోకి య వెళ్తే.. హరియాణాలోని ఫరియాబాద్‌కు చెందిన జాదు (Jaadu) అనే వ్యక్తికి హృతిక్‌ అంటే అమితమైన అభిమానం. ఈ విషయాన్ని తెలియజేసేలా తరచూ సోషల్‌మీడియాలో పోస్టులు పెడుతుండేవాడు. ఈ క్రమంలోనే హృతిక్‌ను కలవాలని నిర్ణయించుకున్నాడు. కొన్ని రోజుల క్రితం తన స్వగ్రామం నుంచి ముంబైకి సైకిల్‌పై ప్రయాణం మొదలుపెట్టాడు. దాదాపు 1000 కిలోమీటర్లు ప్రయాణించిన అతడు హీరోని కలవడం కోసం ఆయన ఇంటి ముందు నాలుగు రోజులుగా వేచిచూశాడు.
ఈ విషయం తెలుసుకున్న హృతిక్‌ తాజాగా అతడిని కలిశారు. కారులో ప్రయాణిస్తోన్న ఆయన.. ఇంటి బయట ఎదురుచూస్తోన్న అభిమానిని దగ్గరకు పిలిచి కాసేపు మాట్లాడి ఫొటోలకు పోజులిచ్చారు. దీనికి సంబంధించిన ఓ ఫొటో నెట్టింట వైరల్‌గా మారింది. హృతిక్‌ సూపర్‌హిట్‌ మూవీ ‘కోయిమిల్‌గయా’లో ఏలియన్‌ లుక్‌ను తాను రీ క్రియేట్‌ చేశానని ఆ అభిమాని తెలిపాడు. ఇక హృతిక్‌ సినిమాల విషయానికొస్తే.. ‘ఫైటర్‌’తో ఈ ఏడాది ప్రేక్షకులను అలరించారు నటుడు హృతిక్‌ రోషన్‌. ఆయన ‘వార్‌ 2’ కోసం వర్క్‌ చేస్తున్నారు. అయాన్‌ ముఖర్జీ దర్శకుడు. ఎన్టీఆర్‌ కీలక పాత్రలో కనిపించనున్నారు. ప్రస్తుతం ఇది చిత్రీకరణ దశలో ఉంది. వచ్చే ఏడాది విడుదలయ్యే అవకాశం ఉంది.