Hunter: షూటింగ్‌లో గాయపడ్డ స్టార్ హీరో.. ఫ్యాన్స్‌లో ఆందోళన
ABN, Publish Date - Nov 07 , 2024 | 06:10 PM
ముంబైలో జరుగుతోన్న ‘హంటర్’ వెబ్ సిరీస్ షూటింగ్‌లో ప్రమాదం చోటుచేసుకుంది. ఈ ప్రమాదంలో స్టార్ హీరోకి తీవ్ర గాయాలైనట్లుగా తెలుస్తోంది. ఇంతకీ ఎవరా స్టార్ హీరో అనుకుంటున్నారా? ఆ వివరాల్లోకి వెళితే..
ముంబైలో జరుగుతోన్న ‘హంటర్’ (Hunter) వెబ్ సిరీస్ షూటింగ్‌లో ప్రమాదం చోటుచేసుకుంది. ఈ ప్రమాదంలో స్టార్ హీరోకి తీవ్ర గాయాలైనట్లుగా తెలుస్తోంది. ఇంతకీ ఎవరా స్టార్ హీరో అనుకుంటున్నారా? బాలీవుడ్ స్టార్ హీరో సునీల్ శెట్టి. గురువారం ఆయన నటిస్తోన్న ‘హంటర్’ వెబ్ సిరీస్ షూట్‌లో యాక్షన్ సన్నివేశాలను చిత్రీకరిస్తుండగా.. ప్రమాదం జరిగినట్లు తెలుస్తోంది. ఈ ప్రమాదంలో సునీల్ శెట్టి (Suniel Shetty) పక్కటెముకలకు తీవ్ర గాయమైనట్లుగా, అలాగే తలకు కూడా స్వల్పంగా దెబ్బ తగిలినట్లుగా వార్తలు వినిపిస్తున్నాయి.
Also Read-Janhvi Kapoor: హైదరాబాద్‌లోని ఆంజనేయస్వామి గుడిలో జాన్వీ కపూర్ ప్రత్యేక పూజలు
అయితే ప్రమాదం సంభవించిన వెంటనే టీమ్ అంతా అలెర్ట్ అవడంతో.. సునీల్ శెట్టి చిన్నపాటి గాయాలతో బయటపడ్డారని తెలుస్తోంది. వెంటనే షూటింగ్ ఆపేసి, సునీల్ శెట్టిని టీమ్ హాస్పిటల్‌కి తరలించిందని, ప్రస్తుతం ఆయన కోలుకుంటున్నారనేలా బాలీవుడ్ మీడియాలో వార్తలు వైరల్ అవుతున్నాయి. అయితే సునీల్ శెట్టికి ప్రమాదం అనగానే.. ఆయన అభిమానులు ఆందోళనకు గురయ్యారు. ఏమైందో అంటూ సోషల్ మీడియాలో పోస్ట్‌లు పెడుతుండటంతో.. ఈ ప్రమాదంపై సునీల్ శెట్టి సోషల్ మీడియా వేదికగా రియాక్ట్ అయ్యారు. అభిమానులు ఆందోళన చెందవద్దని, చిన్నపాటి గాయాలేనంటూ క్లారిటీ ఇచ్చారు.
‘చిన్న గాయం.. భయపడాల్సిందేమీ లేదు. నేను పూర్తిగా కోలుకున్నాను. డాక్టర్ల సహాయంతో తదుపరి షాట్‌కి సిద్ధమవుతున్నాను. మీరు చూపించిన ప్రేమ మరియు ఆదరణకు కృతజ్ఞతలు’ అంటూ ఆన్ సెట్ అని ట్యాగ్ చేశారు. దీంతో నెటిజన్లు, అభిమానులు ఆయనకు జాగ్రత్తలు చెబుతూ కామెంట్స్ చేస్తున్నారు. ప్రస్తుతం సునీల్ శెట్టి ట్వీట్ వైరల్ అవుతోంది.