కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Bholaa Shankar Teaser Talk: మెగాస్టార్‌.. మాస్ అరాచకం!

ABN, First Publish Date - 2023-06-24T18:56:53+05:30

‘షికారుకొచ్చిన షేర్‌ని బే’ అంటూ మెగాస్టార్ చిరంజీవి ‘భోళాశంకర్’ టీజర్‌తో సందడి చేయడానికి వచ్చేశారు. ఆయన హీరోగా, మెహర్ రమేష్ దర్శకత్వంలో తెరకెక్కుతోన్న చిత్రం ‘భోళా శంకర్’. ఆగస్ట్ 11న ప్రపంచవ్యాప్తంగా గ్రాండ్‌గా విడుదల కాబోతోన్న ఈ చిత్రానికి సంబంధించిన ప్రమోషన్స్‌ని మేకర్స్ స్టార్ట్ చేశారు. అందులో భాగంగా వదిలిన ఈ టీజర్ ‘మెగాస్టార్ మాస్ అరాచకం’ అనేలా దూసుకెళుతోంది.

అన్నపూర్ణ మ్యారేజెస్... వరల్డ్ వైడ్‌గా తెలుగువారు ఎక్కడున్నా అన్ని కులముల వారికీ పెళ్లి సంబంధాలు కుదర్చడంలో టాప్ పొజిషన్. ఉన్నతమైన కుటుంబాల ఎంపిక. సం|| 9397 9797 50

మెగాస్టార్ చిరంజీవి (Megastar Chiranjeevi), స్టైలిష్ ఫిల్మ్ మేకర్ మెహర్ రమేష్ (Meher Ramesh) కాంబినేషన్‌లో తెరకెక్కుతోన్న చిత్రం ‘భోళా శంకర్’ (Bholaa Shankar). చిరంజీవి సరసన తమన్నా హీరోయిన్‌గా నటించిన ఈ చిత్రం కీర్తి సురేష్, సుశాంత్ కీలక పాత్రలలో నటిస్తున్నారు. మెగాస్టార్ సోదరిగా ఈ చిత్రంలో కీర్తి సురేష్ కనిపించనుంది. ఈ సినిమాకు సంబంధించి ఇప్పటి వరకు వచ్చిన అప్‌డేట్స్ సినిమాపై ఎటువంటి క్రేజ్‌ని పెంచాయో తెలిసిందే. ఇప్పుడా క్రేజ్‌ని డబుల్ చేసేలా.. తాజాగా మేకర్స్ చిత్ర టీజర్‌ను విడుదల చేశారు. సంక్రాంతికి వచ్చిన ‘వాల్తేరు వీరయ్య’ తరహాలోనే మెగాస్టార్ ఫ్యాన్స్‌కి కావాల్సిన మాస్ అంశాలను పుష్కలంగా ఇందులో జోడించారనేది ఈ టీజర్ చూస్తుంటే అర్థమవుతుంది. ఒక్క మాటలో చెప్పాలంటే.. మరోసారి ‘మెగాస్టార్.. మాస్ అరాచకం’ ఏంటో ఈ టీజర్ తెలియజేస్తోంది.

టీజర్ విషయానికి వస్తే.. (Bholaa Shankar Teaser Talk)

మొత్తం 33మందిని చంపేశాడు.. 33 మందిని ఒక్కడా..! ఏక్ ఆద్మీ.. హౌ.

ఎవడ్రా నువ్వు.. అని ఓ రౌడీ అనగానే.. ‘షికారుకొచ్చిన షేర్‌ని బే’ అంటూ మెగాస్టార్ మాస్ ఎంట్రీ టీజర్‌కే హైలెట్ అనేలా ఉంది. అలాగే టీజర్ చివరిలో.. ఏయ్ భోళా.. ఇది నా ఏరియా అని విలన్ అనగా.. ‘ఈ స్టేట్ డివైడ్ అయినా.. అందరు నా వాళ్లే, ఆల్ ఏరియాస్ నావే.. నాకు హద్దుల్లేవ్.. సరిహద్దుల్లేవ్.. 11 ఆగస్ట్ చూసుకుందాం’ అని మెగాస్టార్ చెప్పే మాసీ డైలాగ్‌తో టీజర్‌ని ముగించారు. మధ్యలో కీర్తి సురేష్, సుశాంత్‌లను కూడా చూపించారు. మెగాస్టార్ లుక్, స్వాగ్ అండ్ స్టైల్.. యాక్షన్ ఎపిసోడ్స్, బీజీఎమ్.. మొత్తం కలిసి.. బాక్సాఫీస్ షేక్ చేయడానికి భోళా వచ్చేస్తున్నాడనేలా ఈ టీజర్‌తో మేకర్స్ అంచనాలను పెంచేశారు. (Bholaa Shankar Teaser Out)

యాక్షన్‌తో మెగాస్టార్ ఎంట్రీ, ‘శంకర్‌దాదా MBBS’ తరహాలో చిరు చెప్పే డైలాగ్స్.. తమన్నా, కీర్తిసురేష్‌, సుశాంత్‌ల లుక్‌ని రివీల్ చేసిన తీరు.. యాక్షన్ ఎపిసోడ్స్, బ్యాక్‌గ్రౌండ్‌లో వచ్చే సాంగ్.. ఇలా టీజర్‌కి కావాల్సిన సరుకుని మెహర్ రమేష్ చక్కగా సమకూర్చారు. బాక్సాఫీస్ వద్ద మరోసారి బాస్ శివతాండవం ఆడేందుకు సిద్ధమవుతున్నట్లుగా ఈ టీజర్‌తో క్లారిటీ ఇచ్చేశారు. అనిల్ సుంకర ఏకే ఎంటర్‌టైన్‌మెంట్స్ బ్యానర్‌పై నిర్మాత రామబ్రహ్మం సుంకర ఈ చిత్రాన్ని నిర్మిస్తున్నారు. సత్యానంద్ కథ పర్యవేక్షణ చేయగా తిరుపతి మామిడాల డైలాగ్స్ అందిస్తున్నారు. మెగాస్టార్ సినిమాకి ఫస్ట్ టైమ్ మహతి స్వర సాగర్ సంగీతం అందిస్తున్నారు. ఈ సినిమా ఆగస్టు 11న ప్రపంచ వ్యాప్తంగా గ్రాండ్‌గా విడుదల కానుంది.