Mahesh Babu for NBK: భగవంత్ కేసరి కోసం మహేష్ బాబు వస్తున్నారా...
ABN, First Publish Date - 2023-10-07T14:25:23+05:30
సూపర్ స్టార్ మహేష్ బాబు, నందమూరి బాలకృష్ణ సినిమా 'భగవంత్ కేసరి' ట్రైలర్ రిలీజ్ ఫంక్షన్ కి వస్తున్నాడు అని, ట్రైలర్ రిలీజ్ మహేష్ బాబు చేస్తాడు అని, సాంఘీక మాధ్యమాల్లో వార్త వైరల్ అవుతోంది.
మహేష్ బాబు (MaheshBabu) కి, నందమూరి బాలకృష్ణ (NandamuriBalakrishna) కి మంచి సత్సంబంధాలు వున్నాయి. ఆమధ్య బాలకృష్ణ హోస్ట్ గా చేసిన 'ఆన్ స్టాపబుల్' #Unstoppable షో కి మహేష్ బాబు రావటమే కాకుండా, బాలకృష్ణ తో పాటు బాగా జెల్ అయ్యాడు ఆ షోలో. అలాగే బాలకృష్ణ కూడా మంచి మంచి ప్రశ్నలు వేసి మహేష్ బాబు తో బాగా మాట్లేడేరు. ఆ తరువాత వాళ్లిద్దరూ కలిసి ఇంకో ఫంక్షన్ లో కలుస్తున్నారు అని ఒక వార్త సాంఘీక మాధ్యమంలో వైరల్ అవుతోంది.
బాలకృష్ణ నటించిన 'భగవంత్ కేసరి' #BhagavanthKesari ట్రైలర్ విడుదల ఫంక్షన్ వరంగల్ లోని హన్మకొండలో రేపు జరగనుంది. ఈ సినిమాకి దర్శకుడు అనిల్ రావిపూడి (AnilRavipudi), అతను ఇంతకు ముందు మహేష్ బాబుతో 'సరిలేరు నీకెవ్వరు' #SarileruNeekevvaru సినిమా చేసాడు. అప్పటి నుండి మహేష్ బాబు కి అనిల్ రావిపూడి మధ్య మంచి సన్నిహితం ఏర్పడింది.
ఇలా బాలకృష్ణ, అనిల్ రావిపూడి ఇద్దరూ 'భగవంత్ కేసరి' సినిమాతో ముడిపడటం, ఆ ఇద్దరూ మహేష్ బాబు కి బాగా సన్నిహితం కావటం, అందువలన మహేష్ బాబు వచ్చి భగవంత్ కేసరి ట్రైలర్ విడుదల చేస్తాడని అభిమానులు అందరూ అంటున్నారు. ఇదే విషయం సాంఘీక మాధ్యమంలో చక్కర్లు కొడుతోంది, వైరల్ అయింది కూడా. అయితే ఇంతకీ మహేష్ బాబు వస్తున్నాడా, రావటం లేదా? రేపే కదా ఫంక్షన్, ఈరోజు వరకు ఏమీ చెప్పలేదు అధికారికంగా. 'భగవంత్ కేసరి' సినిమాలో కాజల్ అగర్వాల్ (KajalAggarwal) కథానాయిక కాగా, శ్రీలీల (Sreeleela) ఒక ముఖ్య పాత్ర పోషిస్తోంది.