కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Kushi: తొలిరోజు బాక్సాఫీస్ కొల్లగొట్టిన ‘ఖుషి’.. ఎన్ని కోట్లు రాబట్టిందంటే..

ABN, First Publish Date - 2023-09-02T18:48:21+05:30

విజయ్ దేవరకొండ, సమంత జంటగా నటించిన ‘ఖుషి’ సినిమా.. టాలీవుడ్ లేటెస్ట్ సూపర్ హిట్ మూవీ‌గా దూసుకెళుతోంది. ‘ఖుషి’ డే వన్ వసూళ్లు అందరినీ సర్‌ప్రైజ్ చేస్తున్నాయి. శుక్రవారం ప్రేక్షకుల ముందుకు వచ్చిన ఈ చిత్రం.. లవ్, ఫ్యామిలీ ఎంటర్‌టైనర్‌గా అందరినీ ఆకట్టుకుంటూ.. తొలి రోజు ప్రపంచ వ్యాప్తంగా 30.1 కోట్ల రూపాయల గ్రాస్ కలెక్షన్స్ రాబట్టినట్లుగా మేకర్స్ తెలిపారు.

Kushi Movie Poster

విజయ్ దేవరకొండ (Vijay Deverakonda), సమంత (Samantha) జంటగా నటించిన ‘ఖుషి’ (Kushi) సినిమా.. టాలీవుడ్ లేటెస్ట్ సూపర్ హిట్ మూవీ‌గా దూసుకెళుతోంది. ‘ఖుషి’ డే వన్ వసూళ్లు అందరినీ సర్‌ప్రైజ్ చేస్తున్నాయి. శుక్రవారం ప్రేక్షకుల ముందుకు వచ్చిన ఈ చిత్రం.. లవ్, ఫ్యామిలీ ఎంటర్‌టైనర్‌గా అందరినీ ఆకట్టుకుంటోంది. ఈ సినిమా వసూళ్లు కూడా షో బై షో పెరుగుతూ తొలి రోజు ప్రపంచ వ్యాప్తంగా 30.1 కోట్ల రూపాయల గ్రాస్ కలెక్షన్స్ రాబట్టినట్లుగా మేకర్స్ అధికారికంగా తెలియజేశారు. ఈ విషయం తెలియజేస్తూ.. మేకర్స్ ఓ పోస్టర్‌ను విడుదల చేశారు. విజయ్ దేవరకొండ కెరీర్‌లో తొలి రోజు ఇంత భారీ స్థాయిలో వసూళ్లు రావడం ఇదే తొలిసారి కావడం విశేషం. (Kushi First Day Collections)

మైత్రీ మూవీ మేకర్స్ నిర్మాణంలో దర్శకుడు శివ నిర్వాణ (Shiva Nirvana) రూపొందించిన ఈ మూవీ ఫస్ట్ షో నుంచే సూపర్ హిట్ టాక్‌ని సొంతం చేసుకుంది. ఇలాంటి క్లీన్ లవ్, ఫ్యామిలీ ఎంటర్‌టైనర్ మూవీ ఇటీవల కాలంలో రాలేదనే ప్రశంసలను కూడా అందుకుంటోంది. పాజిటివ్ టాక్ రావడంతో యూత్, ఫ్యామిలీ ఆడియెన్స్ సినిమాకు ఎగబడుతున్నారు. ఉదయం నుంచి షోస్ గమనిస్తే.. ఫస్ట్ షో‌కు ఫ్యామిలీస్ తో ప్రతి చోటా హౌస్ ఫుల్స్ కనిపించాయి. నైజాం ఏరియాతో పాటు ఏపీలోని ముఖ్య పట్టణాలలో ఈ సినిమా సూపర్బ్ ఓపెనింగ్స్ రాబట్టుకుంది.

తెలుగు రాష్ట్రాల్లోనూ కాకుండా.. యూఎస్ బాక్సాఫీస్ (US Box Office) వద్ద కూడా ఖుషి జోరు కనిపిస్తోంది. లేటెస్ట్ అప్‌డేట్ ప్రకారం ఈ సినిమా యూఎస్ బాక్సాఫీస్ వద్ద 8 లక్షల డాలర్స్ కలెక్షన్స్ అందుకున్నట్లుగా తెలుస్తోంది. వన్ మిలియన్ మార్క్‌ను చేరుకునేందుకు వేగంగా పరుగులు పెడుతోంది. ఈ సినిమాకు ప్రేక్షకులు చూపిస్తున్న ఆదరణ చూస్తుంటే.. మరిన్ని సర్ ప్రైజింగ్ బాక్సాఫీస్ నెంబర్స్ ఈ సినిమా సాధించే అవకాశం ఉందని చెప్పుకోవచ్చు.