అదీ బాలకృష్ణ పవర్ అంటే, ఇది కదా పాన్ ఇండియా రేంజ్ అంటే!

నందమూరి బాలకృష్ణ తన స్క్రీన్ పవర్ ఏంటో మరోసారి చూపించారు. తను నటించిన 'భగవంత్ కేసరి' సినిమా ఓటిటి లో వీరవిహారం చేస్తోంది, నంబర్ వన్ గా ట్రెండింగ్ అవుతోంది. హిందీలో కూడా డబ్బింగ్ చెప్పిన బాలకృష్ణ డైలాగ్స్ అదుర్స్ అని అంటున్నారు

బాలకృష్ణ (NandamuriBalakrishna) ఒక మంచి సందేశం నేపధ్యంతో చేసిన సినిమా 'భగవంత్ కేసరి' #BhagavanthKesari. శ్రీలీల (Sreeleela) ఇందులో ఒక ప్రధాన పాత్ర పోషించగా, కాజల్ అగర్వాల్ (KajalAggarwal) కథానాయికగా నటించింది. అనిల్ రావిపూడి (AnilRavipudi) దర్శకత్వంలో వచ్చిన ఈ సినిమాలో బాలీవుడ్ నటుడు అర్జున్ రాంపాల్ (ArjunRampal) విలన్ గా చేశారు. ఈ సినిమా ఇంకా థియేటర్స్ లో నడుస్తూ ఉండగానే అమెజాన్ ప్రైమ్ (AmazonPrimeVideo) లో విడుదలైంది. ఆసక్తికర అంశం ఏంటంటే ఈ సినిమా హిందీ వెర్షన్ కి బాలకృష్ణ హిందీలో డబ్బింగ్ చెప్పడం. బహుశా బాలకృష్ణ ఇలా హిందీలో డబ్బింగ్ చెప్పడం ఇదే మొదటిసారి కావొచ్చు.

ఇప్పుడు ఈ సినిమా ప్రైమ్ లో ట్రేండింగ్ లో వుంది అని అంటున్నారు. వీటన్నిటికితోడు బాలకృష్ణ చెప్పిన హిందీ డైలాగ్స్ ఉత్తర భారతదేశంలో మారుమోగుతున్నాయి అని ఒక వార్త. ఈ సినిమాలో దర్శకుడు బాలకృష్ణతో ఒక సందేశం చెప్పించాడు, సినిమాలో అది బాగా హైలైట్ అయింది. ఇప్పుడు టీవీ ప్రేక్షకులు కూడా ఈ సినిమాలో వున్న ఆ సందేశాన్ని కొత్తగా చూస్తున్నారని తెలిసింది.

ఇది కూడా ఒక పాన్ ఇండియా లెవెల్లో విజయం సాధించటమే అని అంటున్నారు. ఎందుకంటే ఏ సినిమా అయినా ఓటిటి లో వివిధ భాషల్లో విడుదలవుతుంది, కానీ వేరే భాషలలో ఆ పాత్రలకి వేరే వాళ్ళతో డబ్బింగ్ చెప్పిస్తారు, కానీ ఈ 'భగవంత్ కేసరి' సినిమాకి హిందీ వెర్షన్ కి బాలకృష్ణ డబ్బింగ్ చెప్పడం, ఆ హిందీ డైలాగ్స్ కొత్తగా ఉండటం, అవి విశేషంగా ప్రేక్షకులని ఆదరించటం వలన ఇప్పుడు 'భగవంత్ కేసరి' ట్రెండింగ్ లో వుంది అని అంటున్నారు. అందువలన ఈ సినిమా ఓటిటి లో పాన్ ఇండియా లెవెల్లో నెంబర్ వన్ గా ట్రేండింగ్ అవుతోంది అని అంటున్నారు.