Breaking News: ఇంతకుముందు అమితాబ్ బచ్చన్.. ఇప్పుడు అక్షయ్ కుమార్.. ఇండస్ట్రీలో వరుస ప్రమాదాలు!
ABN, First Publish Date - 2023-03-24T10:58:13+05:30
కొన్ని రోజుల క్రితం బాలీవుడ్ మెగాస్టార్ అమితాబ్ బచ్చన్ (Amitabh Bachchan)కి ప్రమాదం జరిగిన సంగతి తెలిసిందే.
కొన్ని రోజుల క్రితం బాలీవుడ్ మెగాస్టార్ అమితాబ్ బచ్చన్ (Amitabh Bachchan)కి ప్రమాదం జరిగిన సంగతి తెలిసిందే. నాగ్ అశ్విన్ దర్శకత్వంలో ప్రభాస్ (Prabhas) హీరోగా తెరకెక్కుతున్న ‘ప్రాజెక్ట్ కే’ షూటింగ్ సందర్భంగా ఆ ఘటన చోటు చేసుకుంది. ఇటీవల హైదరబాద్‌లో జరిగిన షెడ్యూల్‌లో మూవీ టీం ఓ యాక్షన్ సీక్వెన్స్‌ని తెరకెక్కించింది. అందులో అమితాబ్ కూడా పాల్గొన్నారు. ఆ సమయంలో ఆయన పక్కటెముకలకి గాయం అయ్యింది. ఇటీవలే ఆ గాయం నుంచి ఆయన కోలుకుని.. మూవీ షూటింగ్‌లో పాల్గొనడానికి సిద్ధమవుతున్నారు. తాజాగా బాలీవుడ్ స్టార్ హీరో అక్షయ్ కుమార్ (Akshay Kumar)కి గాయాలు అయ్యాయి.
అక్షయ్ కుమార్ ప్రస్తుతం ‘బడే మియా ఛోటే మియా’ (Bade Miyan Chote Miya) అనే చిత్రంలో నటిస్తున్నారు. స్కాట్లాండ్‌లో ఈ మూవీ తాజా షెడ్యూల్‌ జరుగుతోంది. ఇందులో భాగంగా చిత్రబృందం యాక్షన్ సీక్వెన్స్‌ని తెరకెక్కిస్తోంది. ఈ తరుణంలోనే అక్షయ్‌కి ప్రమాదం జరిగి.. గాయాల పాలయ్యారు. అయితే.. స్వల్ప గాయాలే కావడంతో మూవీ టీం ఊపిరి పీల్చుకుంది. విశ్వసనీయ వర్గాల సమాచారం ప్రకారం.. ‘అక్షయ్ కుమార్, టైగర్ ష్రాఫ్‌తో కలిసి ఓ యాక్షన్ సీక్వెన్స్‌లో నటిస్తున్నారు. అందులో భాగంగా ప్రత్యేకంగా ఓ స్టంట్‌ చేయాల్సి వచ్చింది. ఈ తరుణంలోనే ఆయనకి ప్రమాదం జరిగిన.. మోకాలికి స్వల్ప గాయాలు అయ్యాయి. అందుకే దానికి సంబంధించిన షూటింగ్‌ని నిలిపివేశారు. కానీ.. అక్షయ్‌కి సంబంధించిన క్లోజప్ షాట్లను మాత్రం చిత్రీకరిస్తున్నారు. కాబట్టి షూటింగ్ ఆలస్యం అయ్యే అవకాశం లేదు’ అని చెప్పుకొచ్చారు. (#AkshayKumar)
‘బడే మియా ఛోటే మియా’ చిత్రంలో అక్షయ్, టైగర్ కలిసి మొదటి సారి నటిస్తున్నారు. అలీ జాఫర్ అబ్బాస్ దర్శకత్వం వహిస్తున్న ఈ మూవీలో జాన్వీ కపూర్, అలయ ఎఫ్, మానుషీ చిల్లరీ హీరోయిన్లుగా నటిస్తున్నారు. ఈ చిత్రాన్ని క్రిస్‌మస్ సందర్భంగా హిందీతో పాటు తెలుగు, తమిళ, కన్నడ, మలయాళంలోనూ విడుదల చేయడానికి మేకర్స్ ప్లాన్ చేస్తున్నారు. కాగా.. అక్షయ్ ప్రస్తుతం ‘ఓ మై గాడ్ 2’, ‘ఆకాశమే నీ హద్దురా’ రిమేక్‌ మూవీ, ‘హీరా పేరీ 3’, ‘క్యాప్సల్ గిల్’ వంటి వరుస చిత్రాల్లో నటిస్తూ.. కెరీర్‌లో ఎప్పటిలాగే దూసుకుపోతున్నారు. (Akshay Kumar Injured)
ఇవి కూడా చదవండి:
Breaking: హీరో అజిత్ కుమార్ ఇంట విషాదం
Samyuktha Menon: మాట ఇచ్చి ఎందుకు తప్పారు.. ‘విరూపాక్ష’ టీంపై నటి ఫైర్..
NTR30: భయం పుట్టించేందుకు సిద్ధమవుతున్న ఎన్టీఆర్
Kota Srinivasa Rao: ఇలా చేస్తే గుండె ఆగిపోతుంది.. మరణ వార్తలపై స్పందించిన కోటా
Adipurush: ఓంరౌత్ మేలుకో.. ట్రెండింగ్‌లో ప్రభాస్ మూవీ..
Niharika Konidela: అలా చేయడం దేనికి సంకేతం.. భర్తతో విబేధాలు వచ్చాయా?
Allu Arjun: హీరోయిన్‌ని బ్లాక్ చేసిన ఐకాన్ స్టార్.. నటి ట్వీట్ చేయడంతో..
LEO: మళ్లీ కలుసుకుందాం.. సార్‌
SS Rajamouli: ‘ఆర్ఆర్ఆర్‌ని విడుదల చేస్తే.. ఆ పొలిటీషియన్ తగులబెడతానన్నారు’