Virupaksha Team: ఈసారి కూడా ఆ తరహా కథేనా?
ABN, First Publish Date - 2023-08-14T20:17:08+05:30
సాయితేజ్‌, సంయుక్తా మీనన్‌ జంటగా కార్తీక్‌ వర్మ దండు దర్శకత్వంలో సుకుమార్‌ రైటింగ్స్‌ - శ్రీ వేంకటేశ్వర సినీ చిత్ర (ఎస్‌వీసీసీ) సంయుక్తంగా నిర్మించిన ‘విరూపాక్ష’ చిత్రం ఎంతటి ఘన విజయం సాధించిందో తెలిసిందే! ఇప్పుడు ‘విరూపాక్ష’ మేకర్స్‌ మరో ప్రాజెక్ట్‌ కోసం కలిశారు.
సాయితేజ్‌, సంయుక్తా మీనన్‌ జంటగా కార్తీక్‌ వర్మ దండు దర్శకత్వంలో సుకుమార్‌ రైటింగ్స్‌ - శ్రీ వేంకటేశ్వర సినీ చిత్ర (ఎస్‌వీసీసీ) సంయుక్తంగా నిర్మించిన ‘విరూపాక్ష’ చిత్రం ఎంతటి ఘన విజయం సాధించిందో తెలిసిందే! రోడ్డు ప్రమాదం తర్వాత సాయిధరమ్‌ తేజ్‌ నటించిన ఈ చిత్రం బాక్సాఫీస్‌ వద్ద వసూళ్ల వర్షం కురిపించింది. ఇప్పుడు ‘విరూపాక్ష’ మేకర్స్‌ మరో ప్రాజెక్ట్‌ కోసం కలిశారు. మైథలాజికల్‌ థ్రిల్లర్‌గా తెరకెక్కనున్న ఈ చిత్రానికి కార్తిక్‌ దర్శకత్వం వహించనున్నారు. సుకుమార్‌ రైటింగ్స్‌ - ఎస్‌వీసీసీ సంయుక్తంగా దీన్ని నిర్మించనున్నాయి. ప్రస్తుతం ప్రీ ప్రొడెక్షన్‌ పనులు మొదలయ్యాయి. ఈ చిత్రానికి సంబంధించి ఇతర వివరాలు త్వరలో తెలియజేస్తారు. కార్తిక్‌ వర్మ మిస్టీక్‌ థ్రిల్లర్‌గా రూపొందించిన ‘విరూపాక్ష’ హారర్‌ చిత్రాలను ఇష్టపడేవారినే కాకుండా అన్ని వర్గాల ప్రేక్షకులను అలరించింది. అయితే దర్శకుడు ఈసారి కూడా ఆ తరహా జానర్‌ కథనే ఎంచుకోవడం గమనార్హం.