SSMB29: సినిమా గురించి విజయేంద్రప్రసాద్‌ ఏం చెప్పారంటే!
ABN, First Publish Date - 2023-05-19T15:58:41+05:30
మహేశ్‌బాబు హీరోగా రాజమౌళి దర్శకత్వంలో ఓ సినిమా చేయనున్న సంగతి తెలిసిందే! ఈ సినిమా కోసం ప్రేక్షకులు, అభిమానులు ఎంతగానో ఎదురుచూస్తున్నారో, అంతకుమించి సినిమా ప్రారంభం కోసం కూడా అంతే ఆతురతగా ఎదురుచూస్తున్నారు.
మహేశ్‌బాబు (Maheshbabu) హీరోగా రాజమౌళి (SS rajamouli) దర్శకత్వంలో ఓ సినిమా చేయనున్న సంగతి తెలిసిందే! ఈ సినిమా కోసం ప్రేక్షకులు, అభిమానులు ఎంతగానో ఎదురుచూస్తున్నారో, అంతకుమించి సినిమా ప్రారంభం (SSMB29) కోసం కూడా అంతే ఆతురతగా ఎదురుచూస్తున్నారు. ఈ చిత్రానికి రాజమౌళి తండ్రి విజయేంద్ర ప్రసాద్‌ (Vijayendra paraad) కథ అందిస్తున్నారు. భారీ బడ్జెట్‌తో ఫారెస్ట్‌ యాక్షన్‌ అడ్వెంచర్‌గా రూపొందనున్న ఈ చిత్రం గురించి సందర్భం వచ్చిన ప్రతిసారీ విజయేంద్ర ప్రసాద్‌ ఏదో ఒక హింట్‌ ఇస్తూనే ఉంటారు. తాజాగా ఆసక్తికర అప్‌డేట్‌ ఇచ్చారు. ‘ఎస్‌ఎస్‌ఎంబీ29’ షూటింగ్‌ ఎప్పుడు ప్రారంభమవుతుందో వెల్లడించారు. ఈ ఏడాది చివర్లో లేదా వచ్చే సంవత్సరం ప్రారంభంలో చిత్రీకరణ మొదలయ్యే అవకాశం ఉన్నట్లు చెప్పారు. ఇటీవల ఓ కార్యక్రమంలో పాల్గొన్న విజయేంద్ర ప్రసాద్‌ ఈ విషయాన్ని చెప్పారు. ఈ సినిమా ప్రారంభం కాకముందే ఎన్నో రూమర్లు చక్కర్లు కొడుతున్నాయి. ఇందులో మహేశ్‌ పాత్ర హనుమంతుడి ఆధారంగా ఉంటుందని, అత్యంత బలమైన పాత్రగా తీర్చిదిద్దే ప్రయత్నాలు జరుగతున్నాయని వార్తలొచ్చాయి. దీనిపై కూడా విజయేంద్ర ప్రసాద్‌ స్పందించారు. ‘‘రాజమౌళి సినిమాల్లో పురాణ, ఇతిహాసాల స్ఫూర్తి కనిపిస్తుంది. కానీ ఈ చిత్రంలో మహేశ్‌బాబు పాత్రకు హనుమంతుడి స్ఫూర్తి లేదని, పౌరాణికం తరహా పాత్ర కాదని క్లారిటీ ఇచ్చారు. ఆఫ్రికా అడవులు నేప్యథంలో యాక్షన్‌ అడ్వెంచర్‌గా రూపొందుతున్న ఈ చిత్రం రెండు భాగాలుగా రూపొందనుందనే టాక్‌ వినిపిస్తోంది.