Varun Tej: Lavanya Tripati: ఓ ఇంటివాడు కాబోతున్న మెగా ప్రిన్స్‌

మెగా ప్రిన్స్‌ వరుణ్‌తేజ్‌(Varun Tej), లావణ్య త్రిపాఠీ (Lavanya Tripati) ప్రేమలో ఉన్నారని, త్వరలోనే ఒకటి కాబోతున్నారని చాలా కాలంగా వార్తలు హల్‌చల్‌ చేస్తున్నాయి. ఇటీవల నిశ్చితార్థం అని కూడా వార్తలొచ్చాయి. ఈ విషయంపై అధికారిక ప్రకటన వచ్చింది.

మెగా ప్రిన్స్‌ వరుణ్‌తేజ్‌(Varun Tej), లావణ్య త్రిపాఠీ (Lavanya Tripati) ప్రేమలో ఉన్నారని, త్వరలోనే ఒకటి కాబోతున్నారని చాలా కాలంగా వార్తలు హల్‌చల్‌ చేస్తున్నాయి. ఇటీవల నిశ్చితార్థం అని కూడా వార్తలొచ్చాయి. వరుణ్‌ తేజ్‌, లావణ్య త్వరలో ఒకటి కాబోతున్నారు. ఎంగేజ్‌మెంట్‌ డేట్‌ కూడా ఫిక్స్‌ (varun tej lavanya tripathi engagement) అయింది. ఈ నెల 9, శుక్రవారం వరుణ్‌తేజ్‌, లావణ్యా త్రిపాఠీల నిశ్చితార్థం జరగబోతుంది. దీనికి సంబంధించి ‘రెండు హృదయాలు.. ఒకటే ప్రేమ’ అంటూ ఓ ఇన్విటేషన్‌ కార్డ్‌ నెట్టింట వైరల్‌ అవుతుంది. అయితే ఈ ఇన్విటేషన్ మెగా ఫ్యామిలీకి సంబందించిన ఏ సోషల్ మీడియా అకౌంట్ నుంచి రాలేదు. మెగా ఫ్యామిలీ సన్నిహితులు, డిజిటల్ మీడియా టీం సోషల్ మీడియాలో మాత్రమే ఉంది.

అయితే హైదరాబాద్‌లో కుటుంబ సభ్యులు, సన్నిహితుల సమక్షంలో వీరిద్దరి నిశ్చితార్థ వేడుక ఘనంగా జరగనుందని ఫిల్మ్‌నగర్‌ టాక్‌. పెళ్లి డేట్‌ను శుక్రవారం ప్రకటించే అవకాశం ఉన్నట్లు సమాచారం. వరుణ్‌తేజ్‌ లావణ్య త్రిపాఠి కలిసి మిస్టర్‌, అంతరిక్షం సినిమాల్లో నటించారు. ఆ సమయంలోనే వీరిద్దరి మధ్య ప్రేమ చిగురించిందని తెలుస్తోంది. ప్రస్తుతం వరుణ్‌ తేజ్‌ ‘గాండీవధారి అర్జున’ చిత్రంలో నటిస్తున్నారు. ప్రవీణ్‌ సత్తారు ఈ చిత్రానికి దర్శకుడు.