Ustaad Bhagatsingh: వి ఆర్‌ ఫుల్లీ లోడెడ్... మళ్ళీ లోడెడ్
ABN, First Publish Date - 2023-05-05T20:14:58+05:30
పవన్‌కల్యాణ్‌ (Pawan kalyan) హీరోగా నటిస్తున్న ‘ఉస్తాద్‌ భగత్‌సింగ్‌’ (Ustaad Bhagatsingh) షూటింగ్‌ శరవేగంగా జరుగుతోంది
పవన్‌కల్యాణ్‌ (Pawan kalyan) హీరోగా నటిస్తున్న ‘ఉస్తాద్‌ భగత్‌సింగ్‌’ (Ustaad Bhagatsingh) షూటింగ్‌ శరవేగంగా జరుగుతోంది. త్వరలో రెండో షెడ్యూల్‌ ప్రారంభం కానుంది. మరో పక్క దేవిశ్రీ ప్రసాద్‌ బాణీలు సమకూర్చే పనిలో పడ్డారు. ఈ నేపథ్యంలో చిత్ర బృందం అభిమానులను సర్‌ప్రైజ్‌ ఇవ్వనుంది. అందుకో ప్రత్యేకత కూడా ఉంది. పవన్‌-హరీశ్‌ శంకర్‌ Harish Shankar) కాంబినేషన్‌లో వచ్చిన బ్లాక్‌బస్టర్‌ హిట్‌ ‘గబ్బర్‌సింగ్‌’ చిత్రం విడుదలై ఈ నెల 11వ తేదికి పదకొండేళ్లు పూర్తవుతుంది. ఈ సందర్భంగా హరీశ్‌ శంకర్‌ పవన్‌ అభిమానులకు సర్‌ప్రైజ్‌ ఇవ్వడానికి సర్వం సిద్ధం చేశారు. ‘ఉస్తాద్‌ భగత్‌సింగ్‌’ చిత్రానికి సంబంధించి ఫస్ట్‌ గ్లింప్స్‌ను 11న విడుదల చేయనున్నారు. ఈ విషయాన్ని నిర్మాణ సంస్థ ట్విట్టర్‌ వేదికగా ప్రకటించింది. ఈ మేరకు దేవిశ్రీ ప్రసాద్‌తో చేసిన ఓ వీడియోను విడుదల చేశారు.
‘‘మే 11 అందరికీ గుర్తుందిగా... ‘గబ్బర్‌సింగ్‌ రిలీజై 11 ఏళ్లు అవుతుంది. ఈ స్పెషల్‌ డేను మరింత స్పెషల్‌ చేయడానికి దర్శకుడు హరీశ్‌ శంకర్‌ చిన్న ప్రయత్నం చేస్తున్నారు. ప్రయత్నం చిన్నదే కానీ చాలా పెద్ద సంచలనం కాబోతుంది. ‘యెస్‌ గయ్స్‌.. వి ఆర్‌ ఫుల్లీ లోడెడ్... మళీ ్లలోడెడ్‌. మీరెంతో ఎగ్జైటింగ్‌గా ఎదురుచూస్తున్న ‘ఉస్తాద్‌ భగత్‌సింగ్‌’ ఫస్ట్‌ గ్లింప్స్‌ ఈ నెల 11న మీముందుకు రానుంది. లోడ్‌ యుఆర్‌ గన్స్‌ లెట్స్‌ బ్లాస్ట్‌’’ అంటూ దేవిశ్రీ ప్రసాద్‌ చెప్పిన డైలాగ్‌ వీడియో నెట్టింట వైరల్‌ అవుతోంది. ఈ చిత్రంలో పవన్‌కల్యాణ్‌ సరసన శ్రీలీలా కథనాయికగా నటిస్తోంది. మైత్రీ మూవీ మేకర్స్‌ సంస్థ నిర్మిస్తోంది.