కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Tarakasura 2: 1 విడుదల కాకుండానే.. ‘తారకాసుర 2’ ప్రారంభం

ABN, First Publish Date - 2023-07-25T19:55:37+05:30

కన్నడలో ఘన విజయం సాధించిన ‘తారకాసుర’ చిత్రాన్ని అదే పేరుతో తెలుగులో అనువాదం చేస్తూనే... ఆ చిత్రానికి సీక్వెల్‌గా స్ట్రెయిట్ తెలుగు చిత్రానికి శ్రీకారం చుట్టారు దర్శకుడు విజయ్ భాస్కర్ రెడ్డి పాల్యం. శ్రీజ మూవీస్ పతాకంపై ‘తారకాసుర 2’ పేరుతో తెరకెక్కనున్న ఈ చిత్రం తాజాగా పటాన్ చెరులోని జైపాల్ ముదిరాజ్ ఫామ్ హౌస్‌లో పూజా కార్యక్రమాలను జరుపుకుంది.

Tarakasura 2 Movie Opening

కన్నడలో ఘన విజయం సాధించిన ‘తారకాసుర’ (Tarakasura) చిత్రాన్ని అదే పేరుతో తెలుగులో అనువాదం చేస్తూనే... ఆ చిత్రానికి సీక్వెల్‌గా స్ట్రెయిట్ తెలుగు చిత్రానికి శ్రీకారం చుట్టారు దర్శకుడు విజయ్ భాస్కర్ రెడ్డి పాల్యం (Vijay Bhaskar Reddy Palyam). శ్రీజ మూవీస్ (Sreeja Movies) పతాకంపై తనే దర్శకుడిగా, ముఖ్య పాత్రధారిగా, నిర్మాతగా మారి తెరకెక్కించబోతున్న ఈ చిత్రం ‘తారకాసుర -2’ (Tarakasura-2) పేరుతో రూపొందనుంది. తాజాగా ఈ చిత్రాన్ని పటాన్ చెరులోని జైపాల్ ముదిరాజ్ ఫామ్ హౌస్‌లో గ్రాండ్‌గా ప్రారంభించారు.

పూజా కార్యక్రమాలనంతరం ముఖ్య పాత్రధారి విజయ్ భాస్కర్ రెడ్డిపై పటాన్ చెరు ఎమ్.ఎల్.ఎ. మహీపాల్ రెడ్డి (Patancheru M.L.A Gudem Mahipal Reddy) కెమెరా స్విచ్ఛాన్ చేయగా... జైపాల్ ముదిరాజ్ క్లాప్ కొట్టారు. పటాన్ చెరు కార్పొరేటర్ మెట్టు కుమార్ యాదవ్ గౌరవ దర్శకత్వం వహించారు. ప్రఖ్యాత కార్టూనిస్ట్ మల్లిక్, సీనియర్ నటులు హేమ సుందర్ తదితరులు ఈ కార్యక్రమానికి అతిథులుగా హాజరయ్యారు. ‘తారకాసుర’ సిరీస్ చిత్రాలతో విజయ్ భాస్కర్ రెడ్డి పేరు చిత్ర పరిశ్రమలో మారుమ్రోగాలని అతిథులు ఆకాంక్షించారు.

టెన్నిస్ ప్లేయర్‌గా, రియల్ ఎస్టేట్ వ్యాపారిగా, ఒక బ్యాంక్ వ్యవస్థాపకునిగా విజయ్ భాస్కర్ రెడ్డిని వరించిన విజయాలు సినిమా రంగంలోనూ వరించాలని వారు అభిలషించారు. ఇకపై తమ శ్రీజ మూవీస్ బ్యానర్ పై వరుసగా చిత్రాలు నిర్మిస్తానని దర్శకనిర్మాత విజయ్ భాస్కర్ రెడ్డి పాల్యం పేర్కొన్నారు. ‘తారకాసుర-2’ చిత్రానికి సంబంధించిన పూర్తి వివరాలు అతి త్వరలో వెల్లడిస్తామని ఆయన తెలిపారు.