Kaniha: నడవలేని స్థితిలో శ్రీకాంత్‌ హీరోయిన్‌!

తమిళ నటి కనిహ (kaniha) తెలుగులో చేసింది తక్కువ చిత్రాలే అయినా గుర్తుండి పోయే చిత్రాల్లో నటించారు.

తమిళ నటి కనిహ (kaniha) తెలుగులో చేసింది తక్కువ చిత్రాలే అయినా గుర్తుండి పోయే చిత్రాల్లో నటించారు. శ్రీకాంత్‌ హీరోగా నటించిన ‘ఒట్టేసి చెబుతున్నా’, రవితేజ ‘నా ఆటోగ్రాఫ్‌ స్వీట్‌ మెమరీస్‌’ (naa autoGraph sweet memories) చిత్రాలతో గుర్తింపు పొందారామె. 2008లో పెళ్లి చేసుకొని సినిమాలకు కాస్త గ్యాప్‌ ఇచ్చింది. తర్వాత మళ్లీ తమిళ, మలయాళ చిత్రాలతో బిజీ అయ్యారు. సోషల్‌ మీడియా వేదికగా ప్రేక్షకులకి ఎప్పుడూ అందుబాటులో ఉంటారు. ప్రస్తుతం మలయాళ చిత్రాలకే పరిమితమైన ఆమె ఇటీవల గాయపడ్డారు. ఆమె (kaniha injured) కాలి చీలమండకు బలంగా ఫ్యాక్టర్‌ కావడంతో నడవలేని స్థితిలో ఉన్నారు. ఆ ఫొటోను కనిహ ఇన్‌స్టాగ్రామ్‌లో షేర్‌ చేశారు. ‘ఈ కొత్త బూట్లతో బ్యాలెన్సింగ్‌గా అడుగులు వేయడం నేర్చకుంటున్నా’ అని పోస్ట్‌ చేశారు. ఇది చూసిన పలువురు సినీ ప్రముఖులు, నెటిజన్లు త్వరగా కోలుకోవాలని కామెంట్లు చేస్తున్నారు.

కథానాయికా తెలుగు, తమిళ, మలయాళ భాషల్లో ఎన్నో చిత్రాల్లో నటించిన కనిహ పూర్తి పేరు దివ్య వెంకట సుబ్రహ్మణియన్‌. కథానాయికగా కంటే ముందు ఆమె సింగర్‌గా కెరీర్‌ ప్రారంభించారు. తదుపరి స్టార్‌ హీరోయిన్స్‌ అయిన జెనీలియా, సదా(అన్నియన్‌), శ్రియా శరణ్‌ (శివాజీ)లకు డబ్బింగ్‌ చెప్పారు.