Adipurush: అమరం.. అఖిలం.. ఈ నామం!

ప్రభాస్‌ (Prabhas) హీరోగా ప్యాన్‌ ఇండియా స్థాయిలో రూపొందుతున్న చిత్రం ‘ఆదిపురుష్‌’. (Adipurush) కృతీసనన్‌ (krithisanon) కథానాయిక.

ప్రభాస్‌ (Prabhas) హీరోగా ప్యాన్‌ ఇండియా స్థాయిలో రూపొందుతున్న చిత్రం ‘ఆదిపురుష్‌’. (Adipurush) కృతీసనన్‌ (krithisanon) కథానాయిక. ఓం రౌత్‌ (omraut) దర్శకత్వంలో భూషన్‌కుమార్‌ (T Series Bhushan kumar) నిర్మిస్తున్నారు. జూన్‌ 16న ఈ చిత్రం ప్రేక్షకుల ముందుకు రానుంది. రామాయణం ఆధారంగా రూపొందుతున్న ఈ చిత్రంలో ప్రభాస్‌ రాముడిగా, కృతీ సీతగా నటిస్తున్నారు. ఇప్పటికే విడుదలైన లుక్‌ ఎంతగానో ఆకట్టుకున్నాయి. శనివారం చిత్రం బృందం కొత్త అప్‌డేట్‌ ఇచ్చింది. సినిమా సీతమ్మ పాత్రధారి కృతీసనన్‌ లుక్‌ను విడుదల చేశారు. లంకలో ఉన్న ఆమె రాముడి రాక కోసం కంటతడితో ఎదురుచూస్తున్నట్లు ఆ పోస్టర్‌లో కనిిపించారు. హనుమంతుడితో కలిసి లంకకు పయనమైనట్లు కూడా పోస్టర్‌లో చూపించారు.

తాజాగా విడుదలైన ఈ పోస్టర్లు నెటిజన్లను ఆకట్టుకుంటున్నాయి. ‘అమరం అఖిలం,, సీతారాముల నామం’ అంటూ కొత్త పోస్టర్‌లను యు.వి క్రియేషన్స్‌ సంస్థ ట్వ్టిట్టర్‌ వేదికగా విడుదల చేసింది. సినిమా విడుదల దగ్గర పడుతుండడంతో నిర్మాణ సంస్థ ప్రమోషన్స్‌ షురూ చేసింది. ఒక్కో లిరికల్‌ సాంగ్‌ను విడుదల చేసుకుంటూ వస్తోంది. ప్రపంచవ్యాప్తంగా ఈ చిత్రాన్ని జూన్‌ 16న విడుదల చేయనున్నారు.