Saindhav: వెంకటేశ్‌కు జోడీగా హిట్‌ బ్యూటీ!
ABN, First Publish Date - 2023-03-07T16:17:08+05:30
వెంకటేష్‌ (venkatesh) హీరోగా ‘సైంధవ్‌’ (Saindhav) చిత్రం తెరకెక్కుతున్న సంగతి తెలిసిందే! ‘హిట్‌’, ‘హిట్‌ 2’ చిత్రాలతో ఆకట్టుకొన్న శైలేష్‌ కొలను ఈ చిత్రానికి దర్శకుడు.
వెంకటేష్‌ (venkatesh) హీరోగా ‘సైంధవ్‌’ (Saindhav) చిత్రం తెరకెక్కుతున్న సంగతి తెలిసిందే! ‘హిట్‌’, ‘హిట్‌ 2’ చిత్రాలతో ఆకట్టుకొన్న శైలేష్‌ కొలను ఈ చిత్రానికి దర్శకుడు. వెంకటేశ్‌ పోలీస్‌ ఆఫీసర్‌గా నటించనున్నట్టు తెలుస్తోంది. కథానుగుణంగా ఈ చిత్రంలో ముగ్గురు హీరోయిన్‌లకు ఆస్కారం ఉందట. తాజా సమాచారం ప్రకారం ఓ కథానాయికగా రుహానీ శర్మని ఎంచుకొన్నారు. (Rahani Sharma pair up with Venkatesh) ‘చిలసౌ’తో నటిగా మెప్పించారు రుహానీ. శైలేష్‌ (Sailesh kolanu) దర్శకత్వం వహించిన ‘హిట్‌ 1’లో రుహానీ కథానాయికగా నటించిందామె. ఆ సెంటిమెంట్‌ వర్కవుట్‌ అవుతుందనే నమ్మకంతో శైలేష్‌ రుహానీని (Ruhani sharma) కథానాయుకగా ఎంచుకున్నట్లు తెలుస్తోంది. మరో ఇద్దరు హీరోయిన్లు ఎవరన్నది త్వరలోనే తెలుస్తుంది. ముగ్గురు హీరోయిన్లు ఉన్నారని ఇదేదో ట్రయాంగిల్‌, రొమాంటిక్‌ స్టోరి అనుకుంటే పొరపాటేనని, ముగ్గురూ కథలో భాగంగా వస్తారని వెంకీతో డాన్సులు, రొమాన్స్‌ చేయడానికి కాదని చిత్ర వర్గాల నుంచి సమాచారం. సీరియస్‌ ఫేజ్‌లో సాగే ఈ చిత్రంలో బాలీవుడ్‌ నటుడు నవాజుద్దీన్‌ సిద్దిఖీ (Nawazuddin siddiQui) కీలక పాత్రలో నటిస్తున్నారు. ఇతర వివరాలు తెలియాల్సి ఉంది.
ప్రస్తుతం వెంకటేశ్‌ ‘రానా నాయుడు’(Rana naidu) వెబ్‌ సిరీస్‌ ప్రమోషన్స్‌లో బిజీగా ఉన్నారు. ఆయన ఓటీటీలోకి ఎంట్రీ ఇచ్చిన సిరీస్‌ ఇది. ఇందులో రానా దగ్గుబాటి కీలక పాత్రధారుడు.