Trisha: త్రిషని లైన్‌లో పెట్టేశారు..
ABN, First Publish Date - 2023-11-15T16:22:39+05:30
ఇటీవల పాటల రికార్డింగ్‌తో తన తాజా చిత్రం ‘త్రిష’కు శ్రీకారం చుట్టినట్లుగా చెప్పుకొచ్చిన యువ దర్శకుడు ఆర్.కె.గాంధీ.. చిత్రాన్ని కూడా ఆ వెంటనే లైన్‌లోకి తెచ్చేశారు. ఈ చిత్రం రెగ్యులర్ షూటింగ్‌ని ప్రారంభించినట్లుగా తాజాగా మేకర్స్ అధికారికంగా ప్రకటించారు. హైదరాబాద్ శివారు మియాపూర్‌లో ప్రత్యేకంగా వేసిన సెట్‌లో సీనియర్ హీరో సుమన్‌పై కొన్ని కీలక సన్నివేశాలను చిత్రీకరిస్తున్నారు.
ఇటీవల పాటల రికార్డింగ్‌తో తన తాజా చిత్రం ‘త్రిష’ (Trisha)కు శ్రీకారం చుట్టినట్లుగా చెప్పుకొచ్చిన యువ దర్శకుడు ఆర్.కె.గాంధీ (RK Gandhi).. చిత్రాన్ని కూడా ఆ వెంటనే లైన్‌లోకి తెచ్చేశారు. ఈ చిత్రం రెగ్యులర్ షూటింగ్‌ని ప్రారంభించినట్లుగా తాజాగా మేకర్స్ అధికారికంగా ప్రకటించారు. సీనియర్ ఎన్టీఆర్ (Sr NTR) తరువాత దేవుళ్ళ పాత్రలు పోషించడంలో తనకు తానే సాటి అని నిరూపించుకున్న సీనియర్ హీరో సుమన్ (Suman) ఈ చిత్రంలో దైవాంశ సంభూతుడిగా ప్రధానపాత్రలో నటిస్తున్నారు. ‘సంభవామి యుగే యుగే’ అనేది ఈ చిత్రానికి ట్యాగ్‌లైన్. హైదరాబాద్ శివారు మియాపూర్‌లో ప్రత్యేకంగా వేసిన సెట్‌లో సుమన్‌పై కొన్ని కీలక సన్నివేశాలను చిత్రీకరిస్తున్నట్లుగా తెలుపుతూ మేకర్స్ కొన్ని ఫొటోలను విడుదల చేశారు.
ఈ ఫొటోలలో హీరో సుమన్‌ని చూస్తుంటే.. ఆయన కెరీర్‌లో ఇది మరో వైవిధ్యభరిత చిత్రమనేది తెలుస్తోంది. అలాగే దేవుని సన్నిధిలో ఓ పవర్‌ఫుల్ పాటని చిత్రీకరిస్తున్నట్లుగా కూడా అర్థమవుతోంది. స్నేహాలయం క్రియేషన్స్- బి.ఆర్ మూవీస్ పతకాలపై రవీంద్ర బూసం - ఈశ్వర్ నాగనాధ్ సంయుక్తంగా ఈ చిత్రాన్ని నిర్మిస్తుండగా.. కిరణ్ కుమార్ గుడిపల్లి సమర్పిస్తున్నారు. హనుమంత రాయప్ప లైన్ ప్రొడ్యూసర్‌గా వ్యవహరిస్తున్నారు. కర్ణాటకలో కూడా కొన్ని కీలక సన్నివేశాలను ఈ సినిమా కోసం షూట్ చేయనున్నారని తెలుస్తోంది. (Trisha Movie Latest Update)
ఒక దివ్యాంశ సంభూతుడు దుష్టశక్తులను, దుష్టపన్నాగాలను ఎలా అరికట్టాడు? చెడుపై మంచి ఎలా గెలిచింది? అనే కథాంశంతో తెరకెక్కుతోన్న ఈ చిత్రంలో కాలకేయ ప్రభాకర్, సురేష్ సూర్య, ఖుషీ గౌడ్, యువీన, కృష్ణేంద్ర, ధీరజ అప్పాజీ, ఆనంద్ మట్ట వంటి వారంతా ఇతర పాత్రలలో కనిపించనున్నారు. ఎం.ఎల్.రాజా ఈ చిత్రానికి సంగీతంతో పాటు సాహిత్యం కూడా అందించనున్నారు.
ఇవి కూడా చదవండి:
========================
*Karthika Nair: రాధ కుమార్తె కార్తీక నాయర్ పెళ్లాడబోయే వ్యక్తి ఇతనే..
**********************************
*Mehreen Pirzada: అదే నాకు ‘స్పార్క్’ మూమెంట్‌..
**********************************
*Malavika Mohanan: అభిమానుల మనసుల్లో మాళవిక గిలిగింతలు
********************************
*Aishwarya Rai: ఐష్ టాయిలెట్స్ కడగడానికి కూడా ఆ క్రికెటర్ పనికిరాడంటూ.. నెటిజన్లు ఫైర్
*********************************