Renu Desai: కొంత సమయమే అయినా.. ఆ ప్రభావం జీవితాంతం ఉంటుంది!
ABN, First Publish Date - 2023-04-04T17:03:26+05:30
రేణు దేశాయి(Renu Desai).. మల్టీ టాలెంటెడ్‌ పర్సన్‌. ‘బద్రి(badri)’, ‘జాని’ వంటి చిత్రాల్లో కథానాయికగా ఆకట్టుకున్న ఆమె కాస్ట్యూమ్‌ డిజైనర్‌గా, కథా రచయితగా, ఎడిటర్‌, దర్శకురాలు, నిర్మాత ఇలా ఎన్నో శాఖలపై ఆమెకు పట్టుంది.
రేణు దేశాయి(Renu Desai).. మల్టీ టాలెంటెడ్‌ పర్సన్‌. ‘బద్రి(badri)’, ‘జాని’ వంటి చిత్రాల్లో కథానాయికగా ఆకట్టుకున్న ఆమె కాస్ట్యూమ్‌ డిజైనర్‌గా, కథా రచయితగా, ఎడిటర్‌, దర్శకురాలు, నిర్మాత ఇలా ఎన్నో శాఖలపై ఆమెకు పట్టుంది. ప్రస్తుతంలో పుణెలో ఉంటున్న ఆమె సోషల్‌ మీడియాలో యాక్టివ్‌గా ఉంటూ అభిమానులకు టచ్‌లో ఉంటారు. వ్యక్తిగత విషయాలతోపాటు, టూర్స్‌కి సంబంధించిన ఆసక్తికర విషయాలను పంచుకుంటుంటారు. తాజాగా రేణూ దేశాయ్‌ ఇన్‌స్టాగ్రామ్‌లో పెట్టిన పోస్ట్‌ నెట్టింట వైరల్‌ అవుతోంది. విమానంలో ప్రయాణిస్తున్న వీడియో షేర్‌ చేసి అందమైన లేఖను రాశారు. (Renu Desai Social media post viral)
‘‘మన జీవితంలోకి కొంతమంది అనుకోకుండా వస్తారు. వాళ్ల పరిచయం మండుటెండల్లో చల్లని గాలిలా మనసుకు ఊరటనిస్తుంది. వాళ్ల చూపులు నేరుగా మన హృదయంతో మాట్లాడతాయి. నా వరకూ అదొక అందమైన బాష. మనం వాళ్లతో కొన్ని గంటల సమయం గడిపినప్పటికీ.. వాళ్ల ప్రభావం మనపై జీవితాంతం ఉంటుంది. అలాంటి పరిచయాల్లో కొన్ని మనల్ని అప్పుడప్పుడు బాధ పెడతాయి. అయితే వాళ్లు వల్ల మన జీవితానికి పరిపూర్ణత లభిస్తుంది. మన కన్నీళ్లు తుడిచి మన జీవితాల్లో వెలుగు నింపుతారు. మనల్ని నవ్విస్తుంటారు’’ అంటూ తన కుమారుడు అకీరాతో ప్రయాణిస్తున్న వీడియో షేర్‌ చేశారు. ప్రస్తుతం ఈ వీడిమో వైరల్‌ అవుతోంది.
2014లో మరాఠీలో ఆమె దర్శకత్వం వహించిన ‘ఇష్క్‌ వాలా లవ్‌’ చిత్రం విడుదలైంది. 2021లో ‘రాధమ్మ కూతురు’ టీవీ సిరీస్‌లో అతిథిగా కనిపించారు. ‘జానీ’ సినిమా తర్వాత రేణూ దేశాయి మళ్లీ వెండితెరై కనిపించిలేదు. 18 ఏళ్ల విరామం తర్వాత ఆమె సెకెండ్‌ ఇన్నింగ్స్‌ మొదలుపెట్టనున్నారు. రవితేజ హీరోగా నటించిన ‘టైగర్‌ నాగేశ్వరరావు’ (Tiger nageswrarao) చిత్రంతో ఆమె బిగ్‌ స్ర్కీన్‌కు రీ ఎంట్రీ ఇవ్వనున్నారు. ఈ చిత్రంలో ఆమె హేమలతా లవణం పాత్రలో కనిపించనున్నారు.