Ravanasura: రవితేజ మాస్‌ ఎలిమెంట్స్‌.. సుధీర్‌ వర్మ మార్క్‌ టేకింగ్‌!
ABN, First Publish Date - 2023-01-26T17:05:54+05:30
‘ధమాకా’, ‘వాల్తేరు వీరయ్య’ రెండు విభిన్నమైన చిత్రాలతో అలరించిన మాస్‌ మహారాజా రవితేజ నటిస్తున్న తాజా చిత్రం ‘రావణాసుర’. సుధీర్‌ వర్మ దర్శకత్వం వహిస్తున్న ఈ చిత్రాన్ని ఆర్‌ టి టీమ్‌వర్క్స్‌, అభిషేక్‌ నామా నిర్మాణంలో రూపొందుతుంది.
‘ధమాకా’, ‘వాల్తేరు వీరయ్య’ రెండు విభిన్నమైన చిత్రాలతో అలరించిన మాస్‌ మహారాజా రవితేజ (raviteja) నటిస్తున్న తాజా చిత్రం ‘రావణాసుర’(Ravanasura). సుధీర్‌ వర్మ (sudheer varma)దర్శకత్వం వహిస్తున్న ఈ చిత్రాన్ని ఆర్‌ టి టీమ్‌వర్క్స్‌, అభిషేక్‌ నామా నిర్మాణంలో రూపొందుతుంది. గురువారం రవితేజ పుట్టినరోజు (hbd raviteja) సందర్భంగా ఆయనకు విషెస్‌ చెబుతూ ఈ చిత్రం ఫస్ట్‌ గ్లింప్స్‌ను విడుదల చేశారు. ఇందులో రవితేజ రవితేజ డ్యూయల్‌ షేడ్స్‌ ఉన్న క్యారెక్టర్‌లో కనిపించారు. లాయర్‌గా పవర్‌ఫుల్‌గా కనిపిస్తూనే మరో గెటప్‌లో స్టైలిష్‌గా ఆకట్టుకున్నారు. ఓ అజ్ఞాత వ్యక్తి అమ్మాయిలను చంపడం కూడా వీడియోలో కనిపిస్తుంది. టీజర్‌ అవుట్‌ స్టాండింగ్‌గా ఉందని, రవితేజ పాత్ర చాలా ప్రత్యేకంగా ఉందని నెటిజన్లు ప్రశంసిస్తున్నారు. సుధీర్‌ వర్మ తన మార్క్‌ టేకింగ్‌తో ఊహించని మలుపులతో స్టైలిష్‌ యాక్షన్‌ థ్రిల్లర్‌గా రూపొందిస్తున్నారని చిత్ర యూనిట్‌ చెబుతున్నారు. సుశాంత్‌ కీలక పాత్ర పోషిస్తున్న ఈ చిత్రంలో అను ఇమ్మాన్యుయేల్‌, మేఘా ఆకాష్‌, ఫరియా అబ్దుల్లా, దక్షా నాగర్కర్‌, పూజిత పొన్నాడ.. కథానాయికలుగా నటిస్తున్నారు. హర్షవర్థన్‌ రామేశ్వర్‌, భీమ్స్‌ కలిసి ఈ చిత్రానికి సంగీతం అందిస్తుండగా, విజయ్‌ కార్తీక్‌ కన్నన్‌ సినిమాటోగ్రఫీ, శ్రీకాంత్‌ ఎడిటర్‌ గా పని చేస్తున్నారు.ఈ ఏడాది ఏప్రిల్‌ 7న ఈ చిత్రాన్ని విడుదల చేయడానికి సన్నాహాలు చేస్తున్నారు.