RC15: రామ్‌చరణ్, శంకర్ మూవీ టైటిల్ ఫిక్స్
ABN, First Publish Date - 2023-03-27T09:11:09+05:30
‘ఆర్ఆర్ఆర్’ (RRR) తర్వాత.. శంకర్ (Shankar) దర్శకత్వంలో రామ్‌చరణ్ (RamCharan) ఓ సినిమా చేస్తున్న విషయం తెలిసిందే.
‘ఆర్ఆర్ఆర్’ (RRR) తర్వాత.. శంకర్ (Shankar) దర్శకత్వంలో రామ్‌చరణ్ (RamCharan) ఓ సినిమా చేస్తున్న విషయం తెలిసిందే. దిల్ రాజు (Dilraju) భారీ బడ్జెట్‌తో తెరకెక్కిస్తున్న ఈ మూవీలో కియారా అడ్వాణీ (Kiara Advani) హీరోయిన్‌గా నటిస్తోంది. శంకర్ దర్శకుడు కావడం, ‘ఆర్ఆర్ఆర్’ తర్వాత చెర్రీ నటిస్తున్న చిత్రం కావడంతో ఈ మూవీపై భారీ అంచనాలు నెలకొన్నాయి. ప్రకటించినప్పటి నుంచే ఈ సినిమాపై భారీ బజ్ క్రియేట్ అయ్యింది.
అయితే.. గత కొంతకాలంగా ఈ మూవీ టైటిల్ ఇదే అంటూ రకరకాల ఊహాగానాలు వినిపించాయి. అందులో ఈ చిత్రానికి ‘సీఈవో’ అనే టైటిల్ ఫిక్స్ చేశారని ఎక్కువ ప్రచారం జరిగింది. అయితే.. అందరి అంచనాలను తలకిందులు చేస్తూ.. ఈ పాన్ ఇండియా మూవీకి ‘గేమ్ ఛేంజర్’ (Game Changer) అనే టైటిల్‌ని ఫిక్స్ చేశారు. సోమమారం (మార్చి 27న) రామ్‌చరణ్ పుట్టిన రోజు సందర్భంగా.. దీనికి సంబంధించిన పోస్టర్‌ని తాజాగా మూవీ టీం విడుదల చేసింది. అలా పోస్టర్ విడుదల చేయగానే.. #RC15 ట్విట్టర్‌లో ట్రెండ్ అవుతోంది. దీంతో ‘అన్న గేమ్ ఛేంజర్‌గా హిట్టు కొడుతున్నాం’ అంటూ మెగా ఫ్యాన్స్ కామెంట్స్ చేస్తున్నారు. కాగా.. ఈ మూవీ ఫస్ట్ లుక్‌ని సైతం ఈ రోజే విడుదల చేసేందుకు చిత్రబృందం ప్లాన్ చేస్తోంది.