RamCharan: సల్మాన్ ఖాన్, వెంకటేష్ తో ఆట పాట
ABN, First Publish Date - 2023-03-07T11:59:55+05:30
'ఆర్.ఆర్.ఆర్' సినిమాతో గ్లోబల్ స్టార్ అయిన రామ్ చరణ్, సల్మాన్ ఖాన్ కోరిక మేరకు అతని హిందీ సినిమా 'కిసి క భాయ్ కిసి కి జాన్' లో వెంకటేష్, సల్మాన్ ఖాన్, పూజ హెగ్డే తో స్టెప్పులు వేసాడని తెలిసింది.
సల్మాన్ ఖాన్ (Salman Khan) రాబోయే సినిమా 'కిసి క భాయ్ కిసి కి జాన్' (Kisi Ka Bhai Kisi Ki Jaan ) విడుదలకి రెడీ గా వుంది. ఈ సినిమా ప్రత్యేకం ఏంటి అంటే, మన తెలుగు నటులు ముగ్గురు ఈ సినిమాలో ఉండటం. వెంకటేష్ దగ్గుబాటి (Venkatesh Daggubati) ఈ సినిమాలో ఒక ముఖ్యమైన పాత్ర పోషిస్తున్నారు, అలాగే జగపతి బాబు (Jagapathi Babu) కూడా ఇందులో వున్నారు. అయితే సల్మాన్ ఖాన్ కోరిక మేరకు ఈ సినిమాలో ఇంకో పెద్ద స్టార్ కూడా కనిపించబోతున్నాడు. అతను మరెవరో కాదు, రామ్ చరణ్ (Ram Charan). పూజ హెగ్డే (Pooja Hegde) ఈ సినిమాలో కథానాయికగా నటిస్తోంది. ఇది పవన్ కళ్యాణ్ (Pawan Kalyan) నటించిన 'కాటంరాయుడు' (Katamarayudu) కి రీమేక్.
సల్మాన్ ఖాన్ కి చిరంజీవి (Chiranjeevi) కుటుంబానికి మంచి సంబంధాలు వున్నాయి అన్న సంగతి తెలిసిందే. అందుకే సల్మాన్ ఖాన్ చిరంజీవి నటించిన 'గాడ్ ఫాదర్' (GodFather) సినిమాలో ఒక ప్రత్యేక పాత్రలో కనపడతాడు. ఆ పాత్ర వెయ్యటం కోసం చిరంజీవి దగ్గర పారితోషికం కూడా తీసుకోలేదు సల్మాన్ ఖాన్. ఇప్పుడు సల్మాన్ ఖాన్ సినిమా 'కిసి క భాయ్ కిసి కి జాన్' వస్తోంది. ఇందులో సల్మాన్ ఖాన్ కోరిక మేరకు రామ్ చరణ్ నటించాడు. ఒక పాటలో, సల్మాన్ ఖాన్, వెంకటేష్, పూజ హెగ్డే లతో చరణ్ చిందులు వేసినట్టుగా యూనిట్ సభ్యులు చెప్పారు. ఈ సాంగ్ ని కోరియోగ్రఫీ చేసింది కూడా తెలుగు పాటలకి అదిరిపోయేటట్టు స్టెప్పులు వేయిస్తున్న జానీ మాస్టర్ (Jhani Master) అని చెప్పారు. ఈ పాటలో ఇంతమంది స్టార్స్ కనపడటం, అలాగే చరణ్ కూడా ఒక కామియో లో కనపడటం అభిమానులకి పండగే.
ఈ సినిమాని తెలుగులో కూడా విడుదల చెయ్యడానికి సినిమా నిర్మాతలు సన్నాహాలు చేస్తున్నారు తెలిసింది. ఈ సినిమాని తెలుగులో కూడా విడుదల చెయ్యడానికి సినిమా నిర్మాతలు సన్నాహాలు చేస్తున్నారు తెలిసింది. రామ్ చరణ్ ప్రస్తుతం అమెరికాలో సందడి చేస్తున్నాడు. ఆస్కార్ అవార్డ్స్ ఫంక్షన్ కి రామ్ చరణ్ మిగతా 'ఆర్.ఆర్.ఆర్' సభ్యులతో పాటుగా వెళతాడు.