Rakul Preeth singh: బన్నీతో ఇప్పుడైనా రెడీనే !
ABN, First Publish Date - 2023-04-23T16:37:28+05:30
అల్లు అర్జున్‌ (allu arjun) - రకుల్‌ ప్రీత్‌ సింగ్‌ (Rakulpreethsingh) జంటగా నటించిన బ్లాక్‌బస్టర్‌ చిత్రం ‘సరైనోడు’. యాక్షన్‌ ఎంటర్‌టైనర్‌గా బోయపాటి శ్రీను (Boyapati srinu) దర్శకత్వం వహించిన ఈ చిత్రం సూపర్‌హిట్‌ అయింది. ఈ చిత్రం విడుదలై ఏడేళ్లు పూర్తయింది,
అల్లు అర్జున్‌ (allu arjun) - రకుల్‌ ప్రీత్‌ సింగ్‌ (Rakulpreethsingh) జంటగా నటించిన బ్లాక్‌బస్టర్‌ చిత్రం ‘సరైనోడు’. యాక్షన్‌ ఎంటర్‌టైనర్‌గా బోయపాటి శ్రీను (Boyapati srinu) దర్శకత్వం వహించిన ఈ చిత్రం సూపర్‌హిట్‌ అయింది. ఈ చిత్రం విడుదలై ఏడేళ్లు పూర్తయింది, ఈ సందర్భంగా గీతా ఆర్ట్స్‌ సంస్థ సోషల్‌మీడియా ఓ పోస్టర్‌ విడుదల చేసింది. దీంతో అభిమానులు, నెటిజన్లు ఈ చిత్రం విశేషాలు గుర్తు చేసుకున్నారు. కథానాయికగా నటించిన రకుల్‌ కూడా ‘సరైనోడు’ చిత్రం షూటింగ్‌ సంగతులు గుర్తు చేసుకున్నారు. అల్లు అర్జున్‌తో తన స్నేహం గురించి చెప్పుకొచ్చారు. (7 years For Sarrainodu)
‘‘బన్నీ నాకెంతో ఇష్టమైన కోస్టార్‌. గొప్ప నటుడు. ఇండస్ర్టీలో ఉన్న అద్భుతమైన నటుల్లో బన్నీ ముందువరుసలో ఉంటాడు. మేమిద్దరం మంచి ఫ్రెండ్స్‌. ఏ సందర్భంలో అయినా కలిస్తే ఒకరి మీద ఒకరు జోక్స్‌ వేసుకుంటాం. సరదాగా మాట్లాడుకుంటాం. సోషల్‌ మీడియాలో వచే ఫన్నీ ఇమేజ్‌లను చూసి నవ్వుకుంటాం. ‘సరైనోడు’ సినిమా నుంచి మా బంధం కొనసాగుతోంది. తన చుట్టూ ఉన్న వాళ్లంతా సంతోషంగా ఉండాలనుకునే బన్నీ గుణం నాకెంతో ఇష్టం. ‘సరైనోడు’ వచ్చి ఏడు సంవత్సరాలు అవుతున్నా.. నాకు నిన్ననే షూటింగ్‌ చేసినట్లుంది. ప్రేక్షకులు మా పాత్రలను ఇప్పటికీ గుర్తుంచుకున్నారు. వాళ్లు మరోసారి మా కాంబినేషన్‌ను తెరపై చూడాలని కోరుకుంటున్నారు. మంచి స్టోరీ ఉంటే నేను బన్నీతో కలిసి నటించడానికి సిద్థంగా ఉన్నాను’’ అని అన్నారు.
ప్రస్తుతం రకుల్‌ కమల్‌హాసన్‌ నటిస్తున్న ‘ఇండియన్‌-2’ చిత్రంలో కథానాయికగా నటిస్తున్నారు. ప్రస్తుతం అల్లు అర్జున్‌ ‘పుష్ప 2’ చిత్రంతో బిజీగా ఉన్నారు. ‘పుష్ప-1’ ప్యాన్‌ ఇండియా స్థాయిలో విజయం సాధించడంతో ఆ సినిమాను మించి ఈ చిత్రం ఉండేలా దర్శకుడు సుకుమార్‌ కృషి చేస్తున్నా. ఇటీవల బన్నీ పుట్టినరోజు సందర్భంగా విడుదల చేసిన టీజర్‌ ఎంతగా ఆకట్టుకుందో తెలిసిందే!