Rakul preeth singh: విజయానికి దగ్గర దారులు ఉండదని నిరూపించారు!
ABN, First Publish Date - 2023-01-23T13:47:41+05:30
రకుల్‌ ప్రీత్‌ సింగ్‌ ప్రస్తుతం హిందీ చిత్రాలపైనే దృిష్టి సారిస్తోంది. దక్షిణాది వైపు అప్పుడప్పులూ ఓ లుక్‌ వేస్తుంది. ‘కొండపొలం’ పరాజయం తర్వాత తెలుగు నుంచి ఆమెకు మరో ఆఫర్‌ అందలేదు.
రకుల్‌ ప్రీత్‌ సింగ్‌(Rakul preeth singh) ప్రస్తుతం హిందీ చిత్రాలపైనే దృిష్టి సారిస్తోంది. దక్షిణాది వైపు అప్పుడప్పులూ ఓ లుక్‌ వేస్తుంది. ‘కొండపొలం’ పరాజయం తర్వాత తెలుగు నుంచి ఆమెకు మరో ఆఫర్‌ అందలేదు. దీనితో పూర్తిగా ఆమె బాలీవుడ్‌కే పరిమితమైనట్లు కనిపిస్తుంది. అయితే దక్షిణాదిన కమల్‌హాసన్‌(Kamal haasan) -శంకర్‌ (shankar) కాంబినేషన్‌లో తెరకెక్కుతున్న ‘ఇండియన్‌2’ (indian 2) చిత్రంలో ఓ కథానాయికగా అవకాశం అందుకుంది రకుల్‌. ప్రస్తుతం ఆ చిత్రం షూటింగ్‌తో బిజీగా ఉన్నట్లు తెలుస్తోంది. ‘భారతీయుడు 2’ చిత్రీకరణ ఆదివారం నుంచి తిరుపతి పరిసర ప్రాంతాల్లో జరుగుతోంది. ఈ షెడ్యూల్‌లో రకుల్‌ కూడా ఉంటుందని సమాచారం.
తాజాగా ఇచ్చిన ఓ ఇంటర్వ్యూలో రకుల్‌ మాట్లాడుతూ ‘‘కమల్‌హాసన్‌గారితో స్ర్కీన్‌ షేర్‌ చేసుకోవడం ఓ అదృష్టం. (Rakul about kamal haasan) నటనలో ఆయనొక గొప్ప యూనివర్శిటీ. ఎంతో అదృష్టం ఉంటేనే ఆయన సినిమాలో నటించే అవకాశం దక్కుతుంది. వందేళ్ల ఇండియన్‌ సినిమాను తీసుకుంటే అందులో 60 ఏళ్లలో అమితాబ్‌సార్‌, కమల్‌ సర్‌ లాంటి మహానటులే ఉంటారు. విజయానికి దగ్గర దారులు ఉండవని, కష్టపడితేనే విజయం వరిస్తుందని నిరూపించిన స్ఫూర్తిదాయక వ్యక్తులు వారు’’ అని రకుల్‌ చెప్పుకొచ్చింది.