Hanuman: పాన్ వరల్డ్‌గా ప్రశాంత్ వర్మ చిత్రం.. రిలీజ్ డేట్ ఫిక్స్

ప్రయోగాత్మక చిత్రాలంటే టక్కున గుర్తొచ్చే దర్శకుడు ప్రశాంత్ వర్మ (Prasanth Varma). మొదటి చిత్రంగా ‘అ!’ అనే విభిన్న కథాంశంతో ప్రేక్షకుల మెప్పుపొందిన ఈ దర్శకుడు..

ప్రయోగాత్మక చిత్రాలంటే టక్కున గుర్తొచ్చే దర్శకుడు ప్రశాంత్ వర్మ (Prasanth Varma). మొదటి చిత్రంగా ‘అ!’ అనే విభిన్న కథాంశంతో ప్రేక్షకుల మెప్పుపొందిన ఈ దర్శకుడు.. అనంతరం ‘కల్కి’, ‘జాంబిరెడ్డి’ వంటి డిఫరెంట్ కాన్సెప్ట్‌‌లతో అలరించాడు. ఈయన ప్రస్తుతం యువ నటుడు తేజ సజ్జా (Teja Sajja)తో ‘హనుమాన్’ (HanuMan) అనే సూపర్ హీరో చిత్రాన్ని తెరకెక్కించాడు. ఇప్పటికే షూటింగ్ పూర్తి చేసుకున్న ఈ మూవీ ప్రస్తుతం పోస్ట్ ప్రొడక్షన్ వర్క్స్ జరుపుకుంటోంది. ఇటీవలే విడుదలైన ఈ మూవీ ట్రైలర్ మంచి రెస్పాన్స్ అందుకుంది. దీంతో ఈ చిత్రంపై భారీ అంచనాలు ఏర్పడ్డాయి. ఈ తరుణంలో ఈ చిత్ర విడుదల తేదిని మూవీ టీం తాజాగా ప్రకటించింది.

ఆ మూవీని సమ్మర్‌ కానుకగా మే 12న ప్రేక్షకులు ముందుకు తీసుకురానున్నట్లు ఈ మూవీ చిత్ర నిర్మాణ సంస్థ ప్రైమ్‌షో ఎంటర్‌టైన్‌మెంట్ తెలిపింది. అంతేకాకుండా ఈ సినిమా పాన్‌ వరల్డ్‌ చిత్రం విడుదల చేయనున్నట్లు ప్రకటించింది. మూవీ టీం షేర్ చేసిన ట్వీట్‌లో.. ‘‘ఈ వేసవిలో మోస్ట్ పవర్‌ఫుల్ సూపర్ హీరోని ప్రపంచం మొత్తం చూడబోతోంది. ‘హనుమాన్’ మే 12, 2023న 11 భాషల్లో గ్రాండ్‌గా పాన్ వరల్డ్ స్థాయిలో విడుదల అవుతుంది’ అని రాసుకొచ్చింది. తెలుగుతోపాటు తమిళం, కన్నడ, మలయాళం, హిందీ, మరాఠీ, కొరియన్‌, జపనీస్‌, ఇంగ్లీష్‌, స్పానీష్‌, చైనీస్‌ భాషలు ఈ మూవీ రిలీజ్ కానుంది.

అలాగే యూట్యూబ్‌లోనూ దీనికి సంబంధించిన వీడియోని చిత్రబృందం షేర్ చేసింది. అందులో.. ‘భారతీయ ఇతిహాసాల నుంచి ప్రభావితమై.. కొత్త సినిమాటిక్ యూనివర్స్‌ వస్తోంది. విశ్వంలోనే చాలా పవర్ ఫుల్ అయిన సూపర్ హీరోని ప్రపంచం మొత్తం చూడాల్సిన సమయం ఆసన్నమైంది’ అని మూవీ టీం తెలిపింది.