NTR - Prasanth Neel : ఎన్టీఆర్‌ సినిమాపై ప్రశాంత్ నీల్ క్లారిటీ..
ABN, First Publish Date - 2023-12-07T14:09:47+05:30
ఎన్టీఆర్‌తో క్రేజీ డైరెక్టర్‌ ప్రశాంత్ నీల్ చేయబోయే చిత్రం గురించి అప్‌డేట్‌ ఇచ్చి.. అభిమానుల్లో ఆసక్తి పెంచారు. తన గత చిత్రాలకు పూర్తి భిన్నంగా ఉంటుందని నీల్ తెలిపారు. అయితే కథా నేపథ్యం చెప్పకుండా జారుకున్నారు.
ఎన్టీఆర్‌(NTR)తో క్రేజీ డైరెక్టర్‌ ప్రశాంత్ నీల్ (Prashanth neel) చేయబోయే చిత్రం గురించి అప్‌డేట్‌ ఇచ్చి.. అభిమానుల్లో ఆసక్తి పెంచారు. తన గత చిత్రాలకు పూర్తి భిన్నంగా ఉంటుందని నీల్ తెలిపారు. అయితే కథా నేపథ్యం చెప్పకుండా జారుకున్నారు. ‘సలార్‌ - సీజ్‌ఫైర్‌’ త్వరలో విడుదల కానున్న సందర్భంగా ఓ మీడియతో మాట్లాడుతూ ఆసక్తికర విషయాలు చెప్పారు. ఆయన మాట్లాడుతూ "ప్రేక్షకులంతా ఇది యాక్షన్‌ చిత్రమని భావిస్తున్నారు. కథా నేపథ్యం ఏదైనా అది అందరికీ కనెక్ట్‌ అవుతుంది. వచ్చే ఏడాది ద్వితీయార్థంలో చిత్రీకరణ మొదలుపెడతాం’’ అని అన్నారు. ‘కేజీయఫ్‌ 3’ గురించి కూడా అప్‌డేట్‌ ఇచ్చారు. "ఆ చిత్రం తప్పక ఉంటుంది. స్క్రిప్ట్ సిద్థమైంది. సీక్వెల్‌ చేయాలనే ఆలోచనతోనే ‘కేజీయఫ్‌ 2’ ఎండింగ్‌లో హింట్‌ ఇచ్చాం’’ అని చెప్పారు. అంతేకాదు ఆయన మనసులోని మరో కోరికను బయటపెట్టారు. అమితాబ్‌ బచ్చన్‌గారి సినిమాలు చూస్తూ పెరిగానని, ఆయనతో ఓ సినిమా చేయాలనుందని ఆయన అన్నారు.
ప్రభాస్‌ హీరోగా ప్రశాంత్ నీల్ దర్శకత్వం వహించిన ‘సలార్‌’ చిత్రం ఈ నెల 22న విడుదల కానుంది. శ్రుతి హాసన్‌ కథానాయికగా నటించిన ఈ చిత్రంలో పృథ్వీరాజ్‌ సుకుమారన్‌, జగపతి బాబు, ఈశ్వరీరావు కీలక పాత్రధారులు.