They Call Him OG: ఫైర్‌ స్ట్రామ్‌ ఈజ్‌ కమింగ్‌!
ABN, First Publish Date - 2023-04-15T16:29:56+05:30
పవన్‌కల్యాణ్‌ హీరోగా ‘రన్‌రాజారన్‌’, ‘సాహో’ చిత్రాల ఫేం సుజీత్‌ ఓ సినిమా తెరకెక్కిస్తున్న విషయం తెలిసిందే! డి.వి.వి.ఎంటర్‌టైన్‌మెంట్స్‌ పతాకంపై డి.వి.వి.దానయ్య ఈ చిత్రాన్ని నిర్మిస్తున్నారు.
పవన్‌కల్యాణ్‌ (Pawan kalyan) హీరోగా ‘రన్‌రాజారన్‌’, ‘సాహో’ చిత్రాల ఫేం సుజీత్‌ (Sujeeth) ఓ సినిమా తెరకెక్కిస్తున్న విషయం తెలిసిందే! OG అనే వర్కింగ్ టైటిల్ తో ఈ చిత్రం రూపొందుతుంది. డి.వి.వి.ఎంటర్‌టైన్‌మెంట్స్‌ పతాకంపై డి.వి.వి.దానయ్య (DVV Danayya) ఈ చిత్రాన్ని నిర్మిస్తున్నారు. ఈ చిత్రం తాజా అప్‌డేట్‌ శనివారం సాయంత్రం ఇస్తామంటూ నిర్మాణ సంస్థ, కాసేపట్లో ట్విట్టర్‌ హ్యాంగ్‌ కాబోతుంది అంటూ దర్శకులు చేసిన ట్వీట్లు హల్‌చల్‌ చేశాయి.
ఈ మేరకు ఓ ఆసక్తికర వీడియోను విడుదల చేశారు. ఓజి స్ర్కిప్ట్‌ వర్క్‌ పూర్తయిందనీ, శనివారం ముంబైలో షూటింగ్‌ మొదలైందని పేర్కొన్నారు. వచ్చే వారంలో పవన్‌కల్యాణ్‌ (Pawan kalyan) సెట్‌లో అడుగుపెడతారని ఆ వీడియో ద్వారా చెప్పారు. అయితే ఈ వీడియోలో సుజీత్‌ స్ర్కిప్ట్‌ వర్క్‌లో తలమునకలైనట్లు చూపించారు. గన్‌, తుటాలు, బాంబులను చూపిస్తూ గ్యాంగ్‌స్టర్‌ సినిమా అని చెప్పకనే చెప్పారు. అయితే సుజీత్‌ టీజర్‌ రూపంలో చేసిన ప్రయత్నం అదిరిందని అభిమానులు సోషల్‌ మీడియాలో ప్రశంసల వర్షం కురిపిస్తున్నారు. ఫైర్‌స్ట్రామ్‌ ఈజ్‌ కమింగ్‌ అంటూ బ్యాగ్రౌండ్‌లో వచ్చిన నేపథ్యం సంగీతం అదిరిపోయిందంటూ అభిమానులు ఆనందం వ్యక్తం చేస్తున్నారు. ఈ చిత్రానికి తమన్‌ సంగీత దర్శకుడు.
ఈ టీజర్‌పై మీరు ఓ లుక్కేయండి