JrNTR: పవన్ కళ్యాణ్ కి ఫుల్ సపోర్ట్, వారాహిని ఆపొద్దు
ABN, First Publish Date - 2023-06-22T19:29:35+05:30
పవన్ కళ్యాణ్ కొన్ని రోజులుగా చేస్తున్న రాజకీయ ప్రసంగాలలో అందరు హీరోలు తనకిష్టమని, ఆ హీరోల అభిమానులు అందరూ తనకి, తన జనసేన పార్టీకి మద్దతు ఇవ్వాల్సిందిగా పిలుపునిచ్చారు. ఎన్టీఆర్ అభిమానులు ఈ పిలుపుకి స్పందించారు...
ఇది నిజంగా ఒక గొప్ప పరిణామం అని చెప్పాలి. ఎందుకంటే మొన్న పవన్ కళ్యాణ్ (PawanKalyan) తన రాజకీయ పర్యటనలో సినిమా పరిశ్రమలో వున్న హీరోలు అందరూ తనకు ఇష్టమని, చాలామంది తనకన్నా ఎక్కువ పారితోషికం తీసుకుంటున్నారు, అలాగే చాలా రాష్ట్రాల్లో, విదేశాల్లో కూడా వాళ్లలో చాలామంది తెలుసు, నేను తెలీదు అని చెప్పారు. నాకేమి ఇగో లేదు ఇది చెప్పటానికి అంటూ, అందరి హీరోల అభిమానులు నాకు, నా జనసేన (JanaSena) పార్టీ కి సపోర్ట్ చెయ్యండి అన్నారు.
పవన్ కళ్యాణ్ ఇప్పుడు చేస్తున్న ప్రసంగాలు అర్థవంతంగా వున్నాయి, అతని సభలకి వచ్చిన జనాలకి అవి నచ్చుతున్నాయి, అందుకే చివరివరకు వుంది అతని చెప్పింది విని వెళుతున్నారు. అయితే ఇప్పుడు కొత్త పరిణామం ఏంటంటే, ఎన్టీఆర్ (NTR) అభిమానులు పవన్ కళ్యాణ్ #PawanKalyan కి సపోర్ట్ చెయ్యాలని నిర్ణయించుకున్నారు. ఈ విషయాన్ని ట్విట్టర్ వేదికగా ఎన్టీఆర్ అభిమానులు అందరికీ చెప్పేసారు. అంటే వాళ్ళకి ఎన్టీఆర్ #ManOfMasses దగ్గర నుండి వర్తమానం అందింది అని తెలుస్తోంది. వారాహి రథాన్ని #VarahiYatra ఎక్కడా ఆపొద్దు, పవన్ కళ్యాణ్ కి రాజకీయంగా ఎటువంటి అడ్డంకులు కల్పించవద్దు అన్నది ఈ సందేశం.
అదే విషయాన్ని ఇప్పుడు ఎన్టీఆర్ అభిమానులు ట్విట్టర్ లో అందరికీ చేరవేస్తున్నారు. మరి ఇతర హీరోలు అయిన, మహేష్ బాబు (MaheshBabu), ప్రభాస్ (Prabhas) లాంటి అభిమానులు ఏమి చేస్తారో చూడాలి. ఎందుకంటే పవన్ కళ్యాణ్ పదే పదే చెప్తున్నారు, తాను అందరి హీరోలతో మాట్లాడుతాను అని, ఎటువంటి విభేదాలు లేవని. అలాగే సినిమా వేరు, రాజకీయాలు వేరు, అందుకని అభిమానులారా నాకు సపోర్ట్ ఇవ్వండి అన్న పవన్ కళ్యాణ్ మాటకి ఎన్టీఆర్ అభిమానులు ముందుకు వచ్చి సపోర్ట్ చెయ్యడం బాగుంది అని పరిశ్రమలో అంటున్నారు.