NTR 30: పట్టాలెక్కకముందే రిలీజ్ డేట్ ఫిక్స్

సినీ కుటుంబం నుంచి ఇండస్ట్రీకి ఎంట్రీ ఇచ్చినప్పటికీ తనకంటూ ప్రత్యేక గుర్తింపు సాధించుకున్న నటుడు జూనియర్ ఎన్టీఆర్ (Junior NTR). ‘అదుర్స్’, ‘యమదొంగ’, ‘జై లవకుశ’ వంటి చిత్రాలతో ప్రేక్షకులను అలరించాడు.

సినీ కుటుంబం నుంచి ఇండస్ట్రీకి ఎంట్రీ ఇచ్చినప్పటికీ తనకంటూ ప్రత్యేక గుర్తింపు సాధించుకున్న నటుడు జూనియర్ ఎన్టీఆర్ (Junior NTR). ‘అదుర్స్’, ‘యమదొంగ’, ‘జై లవకుశ’ వంటి చిత్రాలతో ప్రేక్షకులను అలరించాడు. యూత్‌లోను అతడికి మంచి ఫ్యాన్ పాలోయింగ్ ఉంది. యంగ్ టైగర్ ప్రస్తుతం కొరటాల శివ దర్శకత్వంలో నటిస్తున్న సంగతి తెలిసిందే. ఈ సినిమా వర్కింగ్ టైటిల్‌గా ‘ఎన్టీఆర్‌30’ (NTR 30) అని వ్యవహరిస్తున్నారు. ఎన్టీఆర్ ఆర్ట్స్, యువసుధా ఆర్ట్స్ కలసి నిర్మిస్తున్నాయి. నూతన సంవత్సరం సందర్భంగా ఈ మూవీ మేకర్స్ అభిమానులకు కానుకను అందించారు. సినిమా రిలీజ్ డేట్‌ను ప్రకటించారు.

‘ఎన్టీఆర్ 30’ యాక్షన్ ఎంటర్‌టైనర్‌గా రూపొందనుంది. అండర్ వాటర్ బ్యాక్ డ్రాప్‌లో తెరకెక్కనుందని సమాచారం. అందువల్ల మేకర్స్ కొంతకాలంగా ప్రీ ప్రొడక్షన్ వర్క్ చేస్తున్నారు. త్వరలోనే మూవీ షూటింగ్‌ను ప్రారంభిస్తామని చెప్పారు. ఈ నేపథ్యంలో కొత్త ఏడాదిని పురస్కరించుకుని సినిమాకు సంబంధించిన అప్డేట్‌ను మేకర్స్ విడుదల చేశారు. చిత్రానికీ సంబంధించిన పోస్టర్‌ను అభిమానులతో పంచుకున్నారు. ఫిబ్రవరి నుంచి సినిమా షూటింగ్‌ను ప్రారంభిస్తామన్నారు. ఏప్రిల్ 5, 2024న రిలీజ్ చేస్తామని చెప్పారు. ఈ చిత్రానికి అనిరుధ్ రవిచందర్ సంగీతం అందించనున్నాడు. ప్రొడక్షన్ డిజైనర్‌గా సాబు సిరిల్, సినిమాటోగ్రాఫర్‌గా రత్నవేలు సేవలు అందిస్తున్నారు. తారక్ చివరగా ‘ఆర్ఆర్ఆర్’ (RRR) లో నటించాడు. ఈ చిత్రంలో కొమరం భీమ్ పాత్రను పోషించాడు. ‘ఆర్ఆర్ఆర్’ తో తారక్‌ ఫేమ్ అమాంతం పెరిగిపోయింది. అందువల్ల ఆ అంచనాలను మించి రాణించాలని ఎన్టీఆర్ అనుకుంటున్నాడు. అందువల్ల స్టార్ డైరెక్టర్స్‌తో సినిమాలను అనౌన్స్ చేశాడు. ‘ఎన్టీఆర్‌30’ తర్వాత ప్రశాంత్ నీల్ దర్శకత్వంలో మూవీని చేయనున్నాడు.