Nithya Menen: ఇంగ్లిష్‌ పాఠం చెబుతూ...
ABN, First Publish Date - 2023-01-19T15:34:15+05:30
నిత్యామీనన్‌ టీచర్‌ అవతారమెత్తారు. చిన్నారులకు పాఠాలు చెప్పారు. అయితే ఇది సినిమాలో పాత్ర కోసం కాదు. దక్షిణాదిలో కథానాయికగా బిజీగా ఉన్నారామె.
నిత్యామీనన్‌ (nithyamenen) టీచర్‌ అవతారమెత్తారు. చిన్నారులకు పాఠాలు చెప్పారు. అయితే ఇది సినిమాలో పాత్ర కోసం కాదు. దక్షిణాదిలో కథానాయికగా బిజీగా ఉన్నారామె. (nithya as teacher) ప్రస్తుతం ఆమె ఓ మలయాళ చిత్రం షూటింగ్‌ కోసం తెలుగు రాష్ట్రాల్లోని కృష్ణాపురం గ్రామంలో సందడి చేశారు. అక్కడ షూటింగ్‌ పూర్తయిన తర్వాత లొకేషన్‌కు సమీపంలో ఉన్న ఓ ప్రభుత్వ పాఠశాలకు వెళ్లారామె. అక్కడి బాలబాలికలతో కాసేపు గడిపారు. ఆ ఆంగ్ల పాఠాలు బోధించారు. ఇంగ్లిష్‌ పాఠాలను విద్యార్థులకు అర్ధమయ్యేలా తెలుగులో వివరించారు. దీనికి సంబంధించిన ఓ వీడియోను నిత్యామీనన్‌ ఇన్‌స్టాగ్రామ్‌లో షేర్‌ చేశారు.
‘‘కృష్ణాపురం గ్రామంలో ఈ చిన్నారులతో నా న్యూ ఇయర్‌ డే ఇలా గడిచింది. గ్రామీణ ప్రాంతాల్లో పిల్లలు బాల్యాన్ని ఎంతో ఆనందంగా గడుపుతారని ఈ చిన్నారులను చూశాక అర్థమైంది. వాళ్లు నా చుట్టూ ఉన్నప్పుడు నేనూ ఎంతో ఆనందంగా ఉన్నా’’ అని నిత్యా పోస్ట్‌ చేశారు. ప్రస్తుతం ఈ వీడియో నెటిజన్లను విపరీతంగా అలరిస్తుంది. ఆమె పిల్లలకు తెలుగులో పాఠం చెబుతుంటే నిత్యా చక్కగా తెలుగు మాట్లాడుతోంది అంటూ కామెంట్స్‌ చేస్తున్నారు.