Nani: దసరా డేట్‌ వచ్చేసింది!
ABN, First Publish Date - 2023-01-25T19:04:41+05:30
నాని హీరోగా నటిస్తున్న మాస్‌ యాక్షన్‌ ఎంటర్‌టైనర్‌ ‘దసరా’. శ్రీకాంత్‌ ఒదెల దర్శకత్వం వహించిన ఈ చిత్రం పోస్ట్‌ ప్రొడక్షన్‌ పనులు శరవేగంగా జరుగుతున్నాయి. నాని నటించిన తొలి ప్యాన్‌ ఇండియా సినిమా ఇది.
నాని(nani) హీరోగా నటిస్తున్న మాస్‌ యాక్షన్‌ ఎంటర్‌టైనర్‌ ‘దసరా’.(Dasara) శ్రీకాంత్‌ ఒదెల దర్శకత్వం వహించిన ఈ చిత్రం పోస్ట్‌ ప్రొడక్షన్‌ పనులు శరవేగంగా జరుగుతున్నాయి. నాని నటించిన తొలి ప్యాన్‌ ఇండియా సినిమా ఇది. మార్చి 30న(dasara on march 30) ప్రపంచవ్యాప్తంగా సినిమాను విడుదల చేయడానికి నిర్మాతలు సన్నాహాలు చేస్తున్నారు. ఈ నెల 30న ఈ చిత్రం టీజర్‌ను విడుదల చేయనున్నారు. ఈ విషయాన్ని మేకర్స్‌ బుధవారం ప్రకటించారు. దీనికి సంబంధించిన వీడియో నెట్టింట వైరల్‌ అవుతోంది. మధ్య వయస్కుడైన గ్రామస్థుడు బీడీ వెలిగించి, అగ్గిపుల్లను విసిరినప్పుడు మంటలు రేగుతాయి. ఆ మంటల్లో టీజర్‌ తేదీని రివీల్‌ చేయడం ఆసక్తికరంగా ఉంది. కీర్తి సురేష్‌ (keerthi suresh)కథానాయికగా నటిస్తుండగా, దీక్షిత్‌ శెట్టి కీలక పాత్రలో కనిపించనున్నారు. శ్రీ లక్ష్మీ వెంకటేశ్వర సినిమాస్‌ బ్యానర్‌పై సుధాకర్‌ చెరుకూరి ఈ చిత్రాన్ని నిర్మిస్తున్నారు. తెలుగు, తమిళం, కన్నడ, మలయాళం, హిందీ భాషల్లో ఈ చిత్రాన్ని విడుదల చేస్తున్నారు. సముద్రఖని, సాయి కుమార్‌, జరీనా వహాబ్‌ నటిస్తున్న ఈ చిత్రానికి సత్యన్‌ సూర్యన్‌ సినిమాటోగ్రఫర్‌ గా పని చేస్తున్నారు. సంతోష్‌ నారాయణన్‌ సంగీతం అందిస్తున్నారు.