Bhagavanth Kesari: బాలకృష్ణ సినిమా నాలుగు రోజులకి ఎంత కలెక్షన్స్ చేసిందంటే...
ABN, First Publish Date - 2023-10-23T12:19:28+05:30
బాలకృష్ణ నటించిన 'భగవంత్ కేసరి' బాక్స్ ఆఫీస్ దగ్గర నాలుగు రోజులకు గాని మంచి కలెక్షన్స్ ను రాబట్టాయి. అయితే సోమవారం, మంగళవారం సెలవు రోజులు అయినందున ఈ కలెక్షన్స్ పెరిగే అవకాశం ఉందని, ట్రేడ్ అనలిస్ట్స్ అంటున్నారు.
నందమూరి బాలకృష్ణ (NandamuriBalakrishna) తన వయసుకి తగ్గ పాత్రలో 'భగవంత్ కేసరి' #BhagavanthKesari సినిమాలో కనిపిస్తారు. బాలకృష్ణ సినిమాలో వుండే మాస్ పోరాట సన్నివేశాలు, అలాగే భారీ డైలాగులు ఇందులో కనిపించవు. బాలకృష్ణ ఈ పాత్రకి తగ్గట్టుగా తన నటనలో కూడా పరిణితి చూపించి చేసిన సినిమా ఇది. అనిల్ రావిపూడి (AnilRavipudi) దీనికి దర్శకుడు, హరీష్ పెద్ది, సాహు గారపాటి నిర్మాతలు. ఇందులో కాజల్ అగర్వాల్ (KajalAgarwal) కథానాయిక కాగా, శ్రీలీల (Sreeleela) ఒక ప్రముఖ పాత్రలో కనపడింది.
ఈ సినిమా నాలుగు రోజులకి కలెక్షన్స్ బాగానే ఉన్నాయని అనిపిస్తోంది. ఎందుకంటే ఈ సినిమాలో బాలకృష్ణ మార్కు పోరాటాన్ని సన్నివేశాలు, పాటలు, డైలాగులు లేకపోయినా, ప్రేక్షకులు బాగానే ఆదరిస్తున్నారు అని తెలుస్తోంది. నాలుగు రోజులకు గాని ఈ సినిమా సుమారు రూ. 24.10 కోట్ల రూపాయల షేర్ రెండు తెలుగు రాష్ట్రాల్లో నమోదు చేసుకుంటుంది. అమెరికాలో అయితే ఈ సినిమా నాలుగు రోజులకు బ్రేక్ ఈవెన్ అయిందని ట్రేడ్ అనలిస్ట్స్ చెపుతున్నారు. (Bhgavanth Kesari box office collections)
ప్రపంచ వ్యాప్తంగా ఈ సినిమా సుమారు రూ. 31.80 కోట్ల షేర్ కలెక్టు చేసిందని, రూ.55 కోట్ల గ్రాస్ కలెక్షన్స్ అని అంటున్నారు. ఈ సినిమా బ్రేక్ ఈవెన్ కావాలంటే రానున్న రోజులల్లో ఇంకో రూ 35 కోట్లు కలెక్టు చెయ్యాలని కూడా అంటున్నారు. సోమవారం, మంగళవారం సెలవు దినాలు, వేరే సినిమాలు అంతగా పోటీలో లేవు కనక ఈ సినిమా ఈ రెండు రోజులు కలెక్షన్స్ బాగుంటాయని ట్రేడ్ అనలిస్టుల ఆశాభావం. ప్రతుష్ఠానికి అయితే ఈ సినిమా బాక్స్ ఆఫీస్ దగ్గర స్ట్రాంగ్ గా ఉందని తెలుస్తోంది.