Naga Chaitanya: ఆ దర్శకుడి గురించి మాట్లాడటం వేస్ట్‌

అక్కినేని నాగచైతన్య (Naga chaitanya) దర్శకుడు పరశురామ్‌ గురించి సంచలన వ్యాఖ్యలు చేశారు. వీరిద్దరి మధ్య తలెత్తిన వివాదం గురించి చై పెదవివిప్పారు.

అక్కినేని నాగచైతన్య (Naga chaitanya) దర్శకుడు పరశురామ్‌ గురించి సంచలన వ్యాఖ్యలు చేశారు. వీరిద్దరి మధ్య తలెత్తిన వివాదం గురించి చై పెదవివిప్పారు. తాజాగా ఆయన నటించిన ‘కస్టడీ’ (Custody) చిత్రం విడుదల నేపథ్యంలో వరుస ఇంటర్వ్యూలు ఇస్తున్నారు నాగ చైతన్య. ఓ యూట్యూబ్‌ ఛానల్‌కు ఇచ్చిన ఇంటర్వ్యూలో ఆయన దర్శకుడు పరశురామ్‌ గురించి మాట్లాడారు. పరశురామ్‌ (Naga chaitanya comments on parasuram) గురించి ఎదురైన ప్రశ్నకు ఆయన సమాధానం ఇచ్చారు. ‘‘అతని గురించి మాట్లాడటం టైమ్‌ వేస్ట్‌. ఆయన నా టైమ్‌ అంతా వేస్ట్‌ చేశారు’’ అని చై బదులిచ్చారు. అసలు ఏం జరిగింది? పరశురామ్‌తో గొడవ ఏమిటంటే.. ‘గీతగోవిందం’ తర్వాత పరశురామ్‌.. నాగచైతన్యతో ఓ సినిమా చేయాలి. దానికి ‘నాగేశ్వరరావు’ అనే టైటిల్‌ కూడా అనుకున్నారు. ఓ మంచి ముహూర్తాన ఈ చిత్రం పట్టాలెక్కుతుందని అనుకున్నారంతా. అయితే అనుకోని కారణాల వల్ల అది ప్రారంభంలోనే ఆగిపోయింది. (Parasuram)

ఇక విడుదలకు సిద్ధమైన ‘కస్టడీ’ గురించి మాట్లాడుతూ ‘‘వెంకట్‌ ప్రభు కథ చెప్పగానే ఈ ప్రాజెక్ట్‌ చేస్తానని మాటిచ్చా. అంతగా ఈ కథ నాకు నచ్చింది. ఇందులో నేను పోలీస్‌ కానిేస్టబుల్‌గా కనిపించనున్నాను. తెలుగు, తమిళంలో ఒకేసారి ఈ చిత్రాన్ని తెరకెక్కించాం. ఏ సినిమాలో అయినా ఒక హీరో.. విలన్‌ను చంపాలనుకుంటాడు. కానీ కానీ, ఈ సినిమాలో నేను విలన్‌ను ప్రాణాలతో కాపాడాలనుకుంటాడు. ఎందుకంటే అతడు కస్టడీ లో ఉన్నాడు కాబట్టి. అందుకే ఈ చిత్రానికి ఆ పేరు పెట్టాం’’ అని అన్నారు. తదుపరి మజిలీ చిత్రం దర్శకుడు శివ నిర్వాణతో సినిమా ఉంటుందని చెప్పారు. ‘‘శివ మంచి వ్యక్తి. నా ఇష్టాయిష్టాలు అతనికి బాగా తెలుసు. మా కాంబోలో వచ్చిన ‘మజిలీ’ నా హృదయానికి ఎంతో చేరువైంది. త్వరలోనే అతడితో మరో సినిమా చేయనున్నా’’ అని చై అన్నారు.