Revange: సైకో క‌థ కాదు.. హార్ట్‌ని టచ్ చేసే కథ

ఆది అక్ష‌ర ఎంటర్‌టైన్‌మెంట్స్ (Aadi Akshara Entertainments) ప‌తాకంపై బాబు పెదపూడి (Babu Pedapudi) హీరోగా న‌టిస్తూ నిర్మించిన

ఆది అక్ష‌ర ఎంటర్‌టైన్‌మెంట్స్ (Aadi Akshara Entertainments) ప‌తాకంపై బాబు పెదపూడి (Babu Pedapudi) హీరోగా న‌టిస్తూ నిర్మించిన చిత్రం ‘రివెంజ్’ (Revange). నేహదేశ్ పాండే (Neha Deshpande) హీరోయిన్‌. రెట్టడి శ్రీనివాస్ (Rettadi Srinivas) ద‌ర్శ‌కుడు. తాజాగా ఈ చిత్ర ట్రైలర్‌ని హైదరాబాద్‌లో జరిగిన కార్యక్రమంలో ద‌ర్శ‌కుడు ఎన్.శంక‌ర్ (N Shankar) చేతుల మీదుగా చిత్రయూనిట్ విడుదల చేసింది. ట్రైలర్ విడుదల అనంతరం ద‌ర్శ‌కుడు ఎన్.శంక‌ర్ మాట్లాడుతూ... ‘రివెంజ్’ చిత్ర ద‌ర్శ‌కుడు శ్రీను నాకు మంచి మిత్రుడు. మ‌ద్రాస్ నుంచి ఇద్ద‌రి జ‌ర్నీ ప్రారంభ‌మైంది. త‌ను మంచి రైట‌ర్, ద‌ర్శ‌కుడు. సినిమానే ప్రాణంగా బ్రతికే వ్య‌క్తి. ఈ సినిమాతో త‌న‌లో ఉన్న మ‌రో కోణాన్ని మ‌న‌కు ప‌రిచయం చేయ‌బోతున్నాడు. ట్రైల‌ర్ చాలా ప్రామిసింగ్‌గా ఉంది. సినిమా అంటే విప‌రీత‌మైన ప్యాష‌న్ ఉన్న బాబు గారిని ఒక మంచి న‌టుడుగా ప‌రిచ‌యం చేయాల‌న్న ఉద్దేశంతో ద‌ర్శ‌కుడు త‌న‌కోసం ఒక మంచి క్యార‌క్ట‌ర్ డిజైన్ చేసి ఈ క‌థ అల్లుకున్నాడు. ద‌ర్శ‌కుడు, హీరో క‌మ్ ప్రొడ్యూస‌ర్ ఇద్ద‌రూ కూడా సినిమా అంటే ఎంతో ప్యాష‌న్, డెడికేష‌న్ ఉన్న వ్య‌క్తులు. ఈ సినిమా స‌క్స‌స్ సాధించి ప‌ని చేసిన ప్ర‌తి ఒక్క‌రికీ మంచి పేరు రావాల‌ని కోరుకుంటున్నానని అన్నారు. మ‌రో ద‌ర్శ‌కుడు వీర‌భ‌ద్ర‌మ్ చౌద‌రి మాట్లాడుతూ.. హీరో, నిర్మాత బాబుగారితో నాకు 12 ఏళ్ల ప‌రిచ‌యం. సినిమా అంటే విప‌రీత‌మైన ప్యాష‌న్ ఉన్న వ్య‌క్తి. ద‌ర్శ‌కుడు శ్రీనివాస్ ఒక మంచి క‌థ‌తో ఈ సినిమా రూపొందించార‌న్న విష‌యం ట్రైల‌ర్ చూశాక అర్థ‌మైంది. ఈ సినిమా మంచి విజ‌యం సాధించాలని అన్నారు. (Revange Movie)

హీరో, నిర్మాత బాబు పెద‌పూడి మాట్లాడుతూ.. నాకు మొద‌టి నుంచి సినిమాలంటే ఎంతో ఇష్టం. నేను అబ్రాడ్‌లో ఉంటూనే త్రివిక్ర‌మ్‌గారి ‘అత‌డు’, ద‌శ‌ర‌థ్‌గారి ‘శ్రీ’ సినిమాల్లో మంచి పాత్రలు చేశాను. ఇంకా కొన్ని అవ‌కాశాలు వ‌చ్చినప్ప‌టికీ నాకున్న బిజీ వ‌ల్ల చేయలేక‌పోయాను. ఇప్పుడీ సినిమాతో హీరోగా పరిచయం అవుతున్నాను. దర్శకుడు శ్రీనివాస్‌గారు ఈ సినిమాని అద్భుతంగా తీశారు. ట్రైల‌ర్ చూశాక ఇది ఒక సైకో క‌థ అనిపించవచ్చు. కానీ బ‌ర్నింగ్ పాయింట్స్ తో తీసిన సినిమా ఇది. ప్రతి ఆడియన్ హార్ట్‌ని టచ్ చేసే కథ. మ‌నం అమితంగా ఇష్ట‌పడే వాళ్ల‌కు ఏమైనా జ‌రిగితే మ‌నం ఎలా మారిపోతాం అనేది సినిమా. ఆర్టిస్ట్స్ , టెక్నీషియ‌న్స్ అంతా ప్రాణం పెట్టి ప‌నిచేశారు. త్వ‌ర‌లో విడుద‌ల‌కు ప్లాన్ చేస్తున్నామని తెలిపారు. ద‌ర్శ‌కుడు రెట్టడి శ్రీనివాస్ మాట్లాడుతూ.. ‘‘30 ఏళ్లుగా సినిమా రంగంలో ఉంటున్నా. విజ‌య్ భాస్క‌ర్, వంశీ గార్ల వంటి ప్ర‌ముఖ ద‌ర్శ‌కుల వ‌ద్ద ప‌ని చేశాను. పొద‌రిల్లు, ఐపిసి సెక్ష‌న్ రెండు సినిమాలు డైర‌క్ట్ చేశాను. ఇది మూడో సినిమా. హీరో, నిర్మాత బాబుగారిని అనుకోకుండా క‌లిశాను. ఆయ‌న ప్యాష‌న్ చూశాక ఒక మంచి క‌థ రాయాల‌ని డిసైడ్ అయ్యాను. చాలా పాత్ర‌లు రాశాను. చివ‌రిగా రివెంజ్ క‌థ తీశాం. మొద‌ట క్యార‌క్ట‌ర్ రాసి ఆ త‌ర్వాత సినిమా క‌థ రాశాను. బాబుగారు ఎక్సెలెంట్ ప‌ర్ఫార్మెన్స్ ఇచ్చారు. క‌థ‌లో ట్విస్టుల మీద ట్విస్టులు ఉంటాయి. సినిమా అంతా పూర్త‌యిందని అన్నారు. (Revange Trailer Launch)