Mrunal Thakur: అడ్రస్‌ చెప్పండి నేనూ చూసొస్తా!

‘సీతారామం’ చిత్రంలో సీతగా మెప్పించి తెలుగు ప్రేక్షకుల హృదయాల్లో చెరగని ముద్ర వేసింది బాలీవుడ్‌ బ్యూటీ మృణాల్‌ ఠాకూర్‌. మొదటి చిత్రంతోనే లక్షలమంది అభిమానుల్ని సొంతం చేసుకుంది.

‘సీతారామం’ (Sita Ramam) చిత్రంలో సీతగా మెప్పించి తెలుగు ప్రేక్షకుల హృదయాల్లో చెరగని ముద్ర వేసింది బాలీవుడ్‌ బ్యూటీ మృణాల్‌ ఠాకూర్‌ (Mrunal Thakur). మొదటి చిత్రంతోనే లక్షలమంది అభిమానుల్ని సొంతం చేసుకుంది. ప్రస్తుతం ఆమె వరుస అవకాశాలతో బిజీగా ఉంది. సక్సెస్‌, ఆఫర్లను దృష్టిలో పెట్టుకుని మృణాల్‌ హైదరాబాద్‌లోనే స్థిరపడాలని అందుకే ఇక్కడ లగ్జరీ (Luxury house) ఇల్లు కొనుగోలు చేసిందని ఫిల్మ్‌నగర్‌లో టాక్‌ వినిపిస్తోంది. ఇదే ప్రశ్నను నెటిజన్లు మృణాల్‌లు అడగగా తాజాగా ఆమె స్పందించారు. (Fire on netizens)

‘‘నేను కొన్నాను అనుకుంటున్న ఇంటి అడ్రస్‌ చెప్తే నేను కూడా వచ్చి నా ఇంటిని చూసొస్తా’’ అంటూ ఫన్నీగా బదులిచ్చింది.‘హైదరాబాద్‌ లాంటి చక్కని ప్రాంతంలో సెటిల్‌ అవ్వాలని ఎవరికి మాత్రం ఉండదు’ అంటూ సమాధానమిచ్చింది. ఇప్పటి వరకూ హైదరాబాద్‌లో ఇల్లు కొనకపోయినా భవిష్యత్తులో కొనే ఆలోచని ఉందని మృణాల్‌ తెలిపింది.

‘సీతారామం’ తర్వాత తెలుగులో నాని సరసన ఓ చిత్రం చేస్తోంది మృణాల్‌. అలాగే హిందీలోనూ వరుస చిత్రాలతో బిజీగా గడుపుతోంది. తమిళంలో సూర్యతో ఓ సినిమా చేస్తున్నట్లు టాక్‌ నడుస్తోంది.