Miss Shetty Mr Polishetty: విడుదల తేదీ ఖరారు!
ABN, First Publish Date - 2023-08-14T18:14:42+05:30
అనుష్క శెట్టి, నవీన్‌ పొలిశెట్టి జంటగా రూపొందుతున్న రొమాంటిక్‌ ఎంటర్‌టైనర్‌ ‘మిస్‌ శెట్టి మిస్టర్‌ పోలిశెట్టి’ చిత్రం విడుదల తేదీ ఖరారైంది. సోమవారం ఈ సినిమా విడుదల తేదీని దర్శక నిర్మాతలు ప్రకటించారు.
అనుష్క శెట్టి (Anushka SHetty), నవీన్‌ పొలిశెట్టి (Naveen Polishetty) జంటగా రూపొందుతున్న రొమాంటిక్‌ ఎంటర్‌టైనర్‌ ‘మిస్‌ శెట్టి మిస్టర్‌ పోలిశెట్టి’ (Miss Shetty Mr Polishetty)చిత్రం విడుదల తేదీ ఖరారైంది. సోమవారం ఈ సినిమా విడుదల తేదీని దర్శక నిర్మాతలు ప్రకటించారు. సెప్టెంబర్‌ 7న చిత్రం విడుదల కానున్నట్లు ప్రకటిస్తూ పోస్టర్‌ను విడుదల చేశారు. మహేష్‌ బాబు.పి దర్శకత్వంలో యువీ క్రియేషన్స్‌ పతాకంపై వంశీ, ప్రమోద్‌ ఈ చిత్రాన్ని నిర్మిస్తున్నారు. ఈ చిత్రం రిలీజ్‌ డేట్‌ను చెబుతూ హీరో నవీన్‌ పోలిశెట్టి చేసిన స్పెషల్‌ వీడియో ఆకట్టుకుంటోంది.
ఈ వీడియోలో జ్యోతిష్యుడు రంగస్థలం మహేశ్‌ ను ‘మిస్‌ శెట్టి మిస్టర్‌ పోలిశెట్టి’ రిలీజ్‌ డేట్‌ చెప్పమని అడగడం, అతను 70, 80 ఏళ్ల తర్వాత రిలీజ్‌ చేసుకోమని అనడం.. చివరకు నవీన్‌ పోలిశెట్టి హే కృష్ణా అంటూ ఉట్టికొట్టి కృష్ణామికి మా సినిమాను తీసుకొస్తున్నాం అని ప్రకటించడం ఇంట్రెస్టింగ్‌గా, హ్యూమర్‌ క్రియేట్‌ చేసింది. సెప్టెంబర్‌ 7న తెలుగు, తమిళ, కన్నడ, మలయాళ భాషల్లో ఈ చిత్రాన్ని గ్రాండ్‌గా విడుదల చేయనున్నారు.