Pakeezah Vasuki : పాకీజాకు కష్టం... మంచు విష్ణు ఏం చేశాడంటే..!

సినిమా అనేది రంగుల ప్రపంచం. ఈ పరిశ్రమలో ఉన్న వాళ్ల రోజులన్నీ ఒకేలా ఉండవు. ఒకప్పుడు ఓ వెలుగు వెలిగినవారు చివరి రోజుల్లో తినడానికి తిండి కూడా లేకుండా ఉన్నవారు చాలామందే ఉన్నారు.

సినిమా అనేది రంగుల ప్రపంచం. ఈ పరిశ్రమలో ఉన్న వాళ్ల రోజులన్నీ ఒకేలా ఉండవు. ఒకప్పుడు ఓ వెలుగు వెలిగినవారు చివరి రోజుల్లో తినడానికి తిండి కూడా లేకుండా ఉన్నవారు చాలామందే ఉన్నారు. కొందరు తెలివైనా వారైతే ‘దీపం ఉండగానే ఇల్లు చక్క పెట్టుకోవాలి’ అన్న సూత్రాన్ని ఫాలో అవుతూ ఆర్థిక సమస్యలు లేకుండా జీవితాన్ని ప్లాన్‌ చేసుకుంటారు. కొందరు అలా చేయలేరు. కెరీర్‌ పీక్స్‌లు ఉన్నప్పుడు జాగ్రత్త పడని వారు, వివిధ కారణాలతో ఆర్థిక సమస్యలు తలెత్తిన వారు కఠిక దరిద్రంతో జీవితాన్ని సాగిస్తుంటారు. ఇప్పటికీ సినీ పరిశ్రమలో ఎందరో అలాంటి వారున్నారు. ఇబ్బందులు ఎదుర్కుంటూనే ఉన్నారు. ఈ మధ్యనే ఆర్థిక సమస్యలతో ఇబ్బంది పడుతున్న పాకీజా (Pakeezah) అలియాస్‌ వాసుకి(vaasuki) పేరు బయటికొచ్చింది.

డబ్బు పోగొట్టుకుని కుటుంబ కష్టాలతో కొట్టుమిట్టాడుతున్న ఆమె ఇటీవల ఓ యూట్యూబ్‌ ఛానల్‌కి ఇచ్చిన ఇంటర్వ్యూ వల్ల ఆమె ఇబ్బందులు (Assembly rowdy) బయటపడ్డాయి. తిండికి కూడా లేని స్థితిలో ఆమె ఉన్నారని ఆ ఇంటర్వ్యూలో వెల్లడించారు. తమిళ పరిశ్రమలో ఎంతోమందిని ఆదుకోమని అడిగినా స్పందించినవారు లేరట. ఇప్పుడు ఆమెకు టాలీవుడ్‌ నుంచి సాయం అందుతోంది. ఆమె కష్టం తెలుసుకుని మొదటి స్పందించారు మెగాస్టార్‌ చిరంజీవి(megastar Chiranjeevi). లక్ష రూపాయాలు ఆర్థిక సాయం అందించి తన దాతృత్వాన్ని చాటుకున్నారు. తదుపరి చిరు సోదరుడు నాగబాబు (Nagababu)సైతం లక్ష సాయం అందించారు. ఇప్పుడు సాయం అందించడానికి ముందుకొచ్చారు నటుడు, ‘మా’ అధ్యక్షుడు మంచు విష్ణు. కాస్త ఆలస్యంగా పాకీజా పరిస్థితి తెలుసుకున్న మంచు విష్ణు సొంత డబ్బులతో మూవీ ఆర్టిస్ట్‌ అసోసియేషన్‌ కార్డును అందించనున్నారు. ఈ విషయాన్ని నటి కరాటే కళ్యాణి సోషల్‌ మీడియా వేదికగా తెలిపారు. కార్డు కోసం అసోసియేషన్‌కు చెల్లించాల్సిన 90 వేల రూపాయలను మంచు విష్ణు పాకీజా తరపున చెల్లించి ఆమెకు కార్డు ఇవ్వబోతున్నారు. ఈ మేరకు కరాటే కల్యాణి మంచు విష్ణుకు కృతజ్ఞతలు తెలిపారు. (Manchu Vishnu Helps to Pakeezah)