Mahesh Babu: గుంటూరుకి మళ్లీ గ్యాప్‌.. కుటుంబంతో విహారానికి...
ABN, First Publish Date - 2023-07-25T10:44:22+05:30
సూపర్‌స్టార్‌ మహేశ్‌బాబు (Mahesh Babu) ఫ్యామిలీకి చాలా ఇంపార్టెన్స్‌ ఇస్తారు. సినిమా షెడ్యూల్స్‌లో కాస్త గ్యాప్‌ దొరికితే చాలు కుటుంబ సభ్యులతో విదేశాలకు విహారానికి చెక్కేస్తారు. తాజాగా తన సతీమణి నమ్రతా కలిసి లండన్‌ వెళ్లారు మహేశ్‌.
సూపర్‌స్టార్‌ మహేశ్‌బాబు (Mahesh Babu) ఫ్యామిలీకి చాలా ఇంపార్టెన్స్‌ ఇస్తారు. సినిమా షెడ్యూల్స్‌లో కాస్త గ్యాప్‌ దొరికితే చాలు కుటుంబ సభ్యులతో విదేశాలకు విహారానికి చెక్కేస్తారు. తాజాగా తన సతీమణి నమ్రతా కలిసి లండన్‌ వెళ్లారు మహేశ్‌. ఓ రెస్టారెంట్‌లో డిన్నర్‌ చేశారు. ‘లండన్‌ కాలింగ్‌’ అని (London Calling)క్యాప్షన్‌తో ఆ ఫొటోలను సోషల్‌ మీడియా వేదికగా అభిమానులతో పంచుకున్నారు. ఆ ఫొటోల్లో డిఫరెంట్‌ హెయిర్‌ స్టైల్‌తో మహేశ్‌ చిరునవ్వు చిందిస్తూ కనిపించారు. ఈ ఫొటోలు ఇన్‌స్టాలో షేర్‌ చేయగానే క్షణాల్లో వైరల్‌ అయ్యాయి. ‘టీ షర్ట్‌లోనూ సూపర్‌గా ఉన్నారంటూ నెటిజన్లు కామెంట్లు చేస్తున్నారు. ఈ ఫొటోలో నమ్రత సోదరి శిల్పా శిరోద్కర్‌, ఇతర స్నేహితులు కూడా ఉన్నారు.
ఇటీవల ‘గుంటూరు కారం’ (Guntur karam) షెడ్యూల్‌ పూర్తి చేసిన మహేశ్‌ కాస్త రిలాక్స్‌ అవ్వడం కోసం ఫ్యామిలీ ట్రిప్‌ వేశారు. త్రివిక్రమ్‌ దర్శకత్వం వహిస్తున్న ఈ చిత్రం షూటింగ్‌ నత్త నడకన సాగుతున్న విషయం తెలిసిందే. ఇప్పటికే కథానాయిక పూజాహెగ్డే చిత్రం నుంచి తప్పుకున్న సంగతి తెలిసిందే. ఆ స్థానంలో మరో నటి మీనాక్షి చౌదరిని తీసుకున్నారు. ఇప్పుడు కెమెరామెన్‌ పి.ఎస్‌ వినోద్‌ ఈ చిత్రం నుంచి తప్పుకోగా ఆ స్థానంలో రవి.కె. చంద్రన్‌ వచ్చారు. మహేవ్‌ విహారం పూర్తయ్యాక ఆగస్ట్‌లో తాజా షెడ్యూల్‌ ప్రారంభమవుతుందని తెలుస్తోంది.