కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Kaliveerudu: ట్రైలర్‌తో వచ్చిన ‘కలివీరుడు’.. రిలీజ్‌కు రెడీ

ABN, First Publish Date - 2023-09-18T20:27:18+05:30

‘కలివీర’ పేరుతో కన్నడలో రూపొందిన ఓ చిత్రం అనూహ్య విజయం సాధించి... రికార్డు స్థాయి వసూళ్లతో కన్నడ ఖ్యాతిని మరింత పెంచింది. ఈ చిత్రం తెలుగులోనూ సంచలన విజయం సాధించేందుకు ‘కలివీరుడు’గా సిద్ధమైంది. తాజాగా ఈ చిత్ర ట్రైలర్‌ని మేకర్స్ విడుదల చేయగా.. మంచి స్పందనను రాబట్టుకుంటోంది. మూవీని ఈ నెల 22న విడుదల చేసేందుకు సన్నాహాలు చేస్తున్నారు.

Kaliveerudu Movie Still

‘కలివీర’ (Kaliveera) పేరుతో కన్నడలో రూపొందిన ఓ చిత్రం అనూహ్య విజయం సాధించి... రికార్డు స్థాయి వసూళ్లతో కన్నడ ఖ్యాతిని మరింత పెంచింది. ఈ చిత్రం తెలుగులోనూ సంచలన విజయం సాధించేందుకు ‘కలివీరుడు’గా సిద్ధమైంది. ‘కలివీర’ తెలుగులో ‘కలివీరుడు’ (Kaliveerudu)గా వస్తోంది అన్న ప్రకటన వెలువడిన కొద్ది రోజుల్లోనే... ఈ చిత్రానికి అన్ని ఏరియాల్లో బిజినెస్ అయిపోవడం విశేషం. డిస్ట్రిబ్యూటర్ ఎమ్.అచ్చిబాబు ఈ క్రేజీ చిత్రాన్ని అత్యంత ఫ్యాన్సీ రేటుకు సొంతం చేసుకుని.. ‘మినిమం గ్యారంటీ మూవీస్’ పతాకంపై తెలుగులో విడుదల చేస్తున్నారు. ఈనెల 22న భారీ అంచనాలతో విడుదలకు సిద్ధమైన ఈ చిత్ర ట్రైలర్‌ని తాజాగా మేకర్స్ విడుదల చేశారు. (Kaliveerudu Trailer Released)

ఈ ట్రైలర్ మంచి స్పందనను రాబట్టుకుంటోంది. ‘అవి’ దర్శకత్వంలో... రియల్ ఫైట్స్ కు పెట్టింది పేరైన కన్నడ సెన్సేషన్ ఏకలవ్య టైటిల్ రోల్ ప్లే చేసిన ఈ చిత్రంలో చిరాశ్రీ హీరోయిన్. డేని కుట్టప్ప, తబలా నాని, అనితాభట్ ఇతర ముఖ్యపాత్రలు పోషించారు. ఈమధ్య కాలంలో చిన్న సినిమాల్లో బిజినెస్ పరంగా కనీ వినీ ఎరుగని క్రేజ్ సొంతం చేసుకున్న ఈ చిత్రం.. విడుదల తర్వాత కూడా అంతే గొప్పగా ప్రదర్శితమవుతుందని నిర్మాత అచ్చిబాబు భావిస్తున్నారు. ‘కాంతార’ తరహాలోనే ‘కలివీరుడు’ తెలుగులోనూ కచ్చితంగా ఘన విజయం సాధిస్తుందని ఆయన నమ్మకం వ్యక్తం చేశారు. (Kaliveerudu Ready to Release)