Jagapatibabu- Salaar: ఐదు రోజులు.. ఒక్క సీన్‌ మాత్రమే.. అయినా!
ABN, First Publish Date - 2023-05-05T18:05:14+05:30
లెజెండ్‌’ సినిమాతో ప్రతినాయకుడి పాత్రలకు సై అన్న జగపతిబాబు ప్రస్తుతం విలక్షణ పాత్రలతో అలరిస్తున్నారు. ఫ్యామిలీ స్టార్‌గా, మహిళల అభిమాన హీరోగా మార్కు తెచ్చుకున్న ఆయన క్యారెక్టర్‌ ఆర్టిస్ట్‌గా బిజీ అయ్యారు.
‘లెజెండ్‌’ సినిమాతో ప్రతినాయకుడి పాత్రలకు సై అన్న జగపతిబాబు (Jagapatibabu) ప్రస్తుతం విలక్షణ పాత్రలతో అలరిస్తున్నారు. ఫ్యామిలీ స్టార్‌గా, మహిళల అభిమాన హీరోగా మార్కు తెచ్చుకున్న ఆయన క్యారెక్టర్‌ ఆర్టిస్ట్‌గా బిజీ అయ్యారు. ప్రస్తుతం ఆయన వరుస ప్యాన్‌ ఇండియా చిత్రాలతో ముందుకెళ్తున్నారు. తాజాగా ఆయన నటిస్తున్న చిత్రాల్లో పాత్రల గురించి రివీల్‌ చేస్తున్నారు. ఇటీవల ఎస్‌ఎస్‌ఎంబీ 28(SSMB28)లో ఆయన పాత్ర క్రూరంగా ఉంటుందని వెల్లడించిన తాజా ఇంటర్వ్యూలో సలార్‌ సినిమా గురించి ఆసక్తికర విషయాలు చెప్పుకొచ్చారు. ‘కేజీఎఫ్‌’(KGF)తో ప్యాన్‌ ఇండియా స్థాయిలో విజయం అందుకుని దర్శకుడిగా చక్కని గుర్తింపు తెచ్చుకున్న ప్రశాంత్‌ నీల్‌ (Prasanth neel) ఈ చిత్రానికి దర్శకత్వం వహిస్తున్నారు. ‘సలార్‌’(Salaar)లో జగపతిబాబు విలన్‌ పాత్రలో కనిపించనున్నారు.
‘‘ఇందులో నా పాత్ర ఎలా ఉంటుందన్న విషయం నాకే పూర్తిగా తెలియదు. నేను కేవలం ఐదు రోజులు మాత్రమే షూటింగ్‌లో పాల్గొన్నాను. ఆ ఐదురోజులు ఒక్క సీన్‌ మాత్రమే తెరకెక్కించారు. ఇండస్ర్టీలో ఉన్న టాలెంటెడ్‌ దర్శకుల్లో ప్రశాంత్‌ నీల్‌ ఒకరు. అందుకే ఆయన్నుంచి కాల్‌ రాగానే స్టోరీ గురించి తెలుసుకోకుండా సినిమా అంగీకరించారు. ప్రభాస్‌తో కలిసి పనిచేయడం ఆనందంగా ఉంది. పక్కా యాక్షన్‌ ఎంటర్‌టైనర్‌గా రానున్న ఈ చిత్రం గురించి ఎంతో ఆతురతగా ఎదురుచూస్తున్నా’’ అని అన్నారు.
ఇందులో ప్రభాస్‌ (Prabhas) సరసన శ్రుతీహాసన్‌ కథానాయికగా నటిస్తోంది. ఇప్పటికే ఆ పార్ట్‌ షూటింగ్‌ పూర్తియింది. 60 శాతం షూటింగ్‌ పూర్తి చేసుకున్న ఈ సినిమా సెప్టెంబరు 28న ప్రేక్షకుల ముందుకు రానుంది. జూన్‌లో టీజర్‌ జూన్‌ విడుదల చేస్తారని టాక్‌. హోంబలే ఫిల్మ్స్‌ సంస్థ ఈ చిత్రాన్ని నిర్మిస్తోంది.